Папа заклікаў да салідарнасці і падтрымкі Украіны

Красавік 20, 2016
Written by katolik-gomel.by
Published in Папа Рымскі
Add new comment

24 красавіка католікі ўсёй Еўропы збяруць грошы для Данбаса.

Святы Айцец Францішак скіраваў заклік да салідарнасці з Украінай. “Насельніцтва Украіны доўга пакутуе ад наступстваў узброенага канфлікту, забытага многімі. Як ведаеце, я заклікаў Касцёл у Еўропе падтрымаць ініцыятыву, мной устаноўленую, каб выйсці насустрач гэтай надзвычайнай гуманітарнай сітуацыі. Загадзя дзякую ўсім, хто шчодра прычыніцца да ініцыятывы, якая пройдзе 24 красавіка”, - сказаў Папа на заканчэнне агульнай аўдыенцыі ў Ватыкане.

Пра збор ахвяраванняў для ахвяр канфлікту ва Украіне Пантыфік абвясціў 3 красавіка 2016 г. у прамове перад малітвай “Regina Caeli”. “Гэты акт міласэрнасці мае на мэце не толькі палегчыць матэрыяльныя пакуты, але жадае таксама выказаць маю блізкасць і асабістую салідарнасць з ўсім Касцёлам. Я шчыра спадзяюся, што гэты жэст дапаможа паспрыяць міру і павазе правоў на гэтых, так выпрабаваных землях”,- казаў тады Святы Айцец.

be.radiovaticana.va

Last modified onСерада, 20 Красавік 2016 23:15

Tagged under