Відэа: У касцёле Нясвіжа працягваюць ратаваць пахавальню Радзівілаў ад падтаплення
- Written by Katolik.life
- Published in Соцыум
- Add new comment
Парафіяне арганізавалі дзяжурствы, пробашч храма таксама адпампоўвае ваду.
У Нясвіжскім фарным касцёле Божага Цела па-ранейшаму адбываецца затапленне склепа радавой пахавальні князёў Радзівілаў. Ужо амаль 10 дзён вада прыбывае, і струмень не спыняецца. Жартам вернікі яго нават называюць "цудатворнай крыніцай".
Нагадаем, з 7 сакавіка ў крыпце пачала збірацца вада, якая на працягу некалькіх гадзін падымаецца да такога ўзроўню, што яе даводзіцца вычэрпваць вёдрамі - гэта рабілі парафіяне касцёла да таго часу, пакуль у склепе не падключылі помпу. Яна адпампоўвае ваду тройчы на дзень. Аднак і парафіянам па-ранейшаму даводзіцца арганiзоўваць дзяжурствы і выносіць вёдрамі ваду. Пробашч парафіі кс. Пётр Шарко таксама ўдзельнічае ў працах па выратаванні крыпты, дзе знаходзіцца каля 70 саркафагаў. Яны знаходзяцца на ўзвышшы, таму парэшткам пакуль нічога не пагражае, аднак вада псуе сцены помніка архітэктуры.
У касцёле спадзяюцца, што ў бліжэйшы час сюды павінны прыбыць рэстаўратары, якім трэба будзе абследаваць склеп і даць сваё заключэнне пра прычыны надзвычайнага здарэння і ліквідацыі наступстваў, спланаваць далейшыя дзеянні па ліквідацыі затаплення. Пакуль дакладныя прычыны інцыдэнту не ясныя.
Каталіцкі храм Божага Цела ў Нясвіжы ўнесены ў спіс Сусветнай спадчыны ЮНЕСКА, цяпер у касцёле праходзяць рэстаўрацыйныя работы. Храм, збудаваны ў гэтым старажытным беларускім горадзе ў канцы XVI стагоддзя, з'яўляецца помнікам ранняга барока і першым езуіцкім храмам на тэрыторыі Рэчы Паспалітай.
Глядзіце рэпартаж аб здарэнні тэлеканала "Белсат".
Media
Related items
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Фэст у лясной капліцы з незвычайнай гісторыяй святкавалі капуцыны і пілігрымы
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Загадкі Каралевы Беларусі: уратавала ад маскоўскай акупацыі, знікла і зноў аб'явілася