Руслан Аляхно пачаў дабрачынны тэлемарафон з Чырвонага касцёла
- Written by Katolik.life
- Published in Соцыум
- Add new comment
Спявак збірае грошы на рэканструкцыю дзіцячай бальніцы ў родным горадзе.
Напярэдадні старту тэлемарафона па зборы сродкаў на рэканструкцыю Бабруйскай дзіцячай бальніцы дабрачынны канцэрт арганнай музыкі адбыўся ў Мінску. Акцыю «Па закліку сэрца усім светам», якую арганізаваў вядомы беларускі спявак Руслан Аляхно, падтрымала Каталіцкая царква.
У сценах мінскага Чырвонага касцёла (св. Сымона і св. Алены) навучэнцы дзіцячай музычнай школы мастацтваў разам з Русланам Аляхно выступілі з класічнай праграмай, паведамляецца на старонцы музыканта.
У Бабруйску, на малой радзіме артыста, прайшоў канцэрт-тэлемарафон "Па закліку сэрца - усім светам", у якім прынялі ўдзел Анатоль Ярмоленка, Ядвіга Паплаўская, Дыяна Гурцкая і іншыя вядомыя выканаўцы. Усе сабраныя сродкі пойдуць на рэканструкцыю Бабруйскай гарадской дзіцячай бальніцы.
Руслан Аляхно - ураджэнец Бабруйска, беларускі эстрадны спявак і кампазітар, пераможца конкурсу «Народны артыст» ў 2004 годзе на тэлеканале «Расія-1», удзельнік «Еўрабачання 2008», пераможца трэцяга сезона шоў «Адзін у адзін!», уладальнік ордэна «За ўклад у развіццё культуры Расіі».
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Ці ўступаць у піянеры, спыталі ў вернікаў – частка адказаў здзівіла