Помнік Касцюшкі ў Косаве адкрыюць у дзень свята ў касцёле
- Written by Katolik.life
- Published in Соцыум
- Add new comment
У старадаўнім храме хрысцілі будучага нацыянальнага героя.
У суботу, 12 траўня ў Івацэвіцкім раёне Брэсцкай вобласці а 12-й гадзіне пройдзе ўрачыстае адкрыццё велічнага помніка Тадэвушу Касцюшку на яго малой радзіме каля сядзібы-музея ва ўрочышчы Мерачоўшчына на ўскраіне мястэчка Косава.
Таксама ў гэты дзень у каталіцкім храме Косава адбудзецца парафіяльны фэст. У галоўным алтары старадаўняй святыні знаходзіцца цудатворны абраз Панны Марыі, перад якой праз заступніцтва Багародзіцы ўзносілі малітвы мясцовыя вернікі і шматлікія пілігрымы. Урачыстая святая Імша пачнецца а 13-й гадзіне.
Свята з нагоды адкрыцця помніка Касцюшкі таксама звязанае з касцёлам. Для мясцовай парафіі гэта важная падзея, паколькі гэты нацыянальны герой Беларусі належаў да косаўскай парафіі і быў ахрышчаны ў касцёле ў 1746 годзе, паведамляе Catholic.by.
Нагадаем, грошы на помнік збірала грамадскасць па ініцыятыве блогера з Мінска Глеба Лабадзенкі. Свой уклад у стварэнне скульптуры Касцюшкі ўнеслі сотні чалавек, а калі да заканчэння збору заставалася ўсяго два дні, знакаміты беларускі тайбаксёр Віталь Гуркоў вырашыў дапамагчы сабраць грошы і выставіў на аўкцыён свой пераможны шалік з "Пагоняй" і надпісам Belarus.
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
- Песня з хрысціянскімі матывамі ад Украіны заняла трэцяе месца на Еўрабачанні