«Б'юцца з крыжамі». Андрусь Такінданг праспяваў у Курапатах [відэа]

Вядомы беларускі музыка і мастак, каталіцкі вернік Андрусь Такінданг запісаў у Курапатах відэа з новай песняй. Твор стаў рэакцыяй на сумныя падзеі ва ўрочышчы Курапаты пад Мінскам, дзе знеслі 70 крыжоў, усталяваных грамадскасцю на месцы масавых расстрэлаў рэпрэсаваных.

- І вось, думаеш сабе, рабіць рафінаваную, модную музыку, ды радавацца жыццю ў сонечным Мінску, а тут... - напісаў Андрусь на сваёй старонцы ў сацсетцы.

Нагадаем, у пятніцу ў касцёлах Беларусі праводзяць Крыжовы шлях перапрашэння за ўсе знявагі Крыжа на беларускай зямлі.