Каронавірус: у рэгіёнах Італіі спыняюць правядзенне Імшы і закрываюць храмы
- Written by Katolik.life
- Published in Соцыум
- Add new comment
Зачынены катэдральны сабор Мілана і базыліка святога Марка ў Венецыі
У сувязі з выяўленнем у Італіі выпадкаў каронавіруса некаторыя дыяцэзіі прымаюць меры, каб знізіць рызыку заражэння. Напрыклад, Міланская архідыяцэзія загадала ўдзяляць св. Камунію толькі на руку. А ў касцёлах дзесяці мястэчак дыяцэзіі Лодзі спынілі набажэнствы, бо дзяржаўныя ўлады ў якасці меры бяспекі загадалі жыхарам заставацца дома.
- Калі гэта паспрыяе здароўю нашых грамадзян, мы гатовыя пайсці на некаторыя ахвяры, - цытуе старшыню Канферэнцыі каталіцкіх біскупаў у Італіі vaticannews.va/be.
Катэдральны сабор Мілана вырашылі часова зачыніць для наведванняў. А ў Венецыі адмянілі публічнае правядзенне святой Імшы, доступ у базыліку святога Марка ўвогуле закрылі. Як і ў Ганконгу, дзе раней таксама адмянілі публічныя набажэнствы, вернікаў заклікалі ўдзельнічаць у святой Імшы онлайн з дапамогай прамых трансляцый.
Тым часам у Ватыкане не абвешчаны нейкія асаблівыя меры. Пілігрымы і турысты наведваюць базіліку св. Пятра, Ватыканскія музеі, удзельнічаюць у агульных аўдыенцыях з Папам Рымскім.
Related items
- У Беларусі праходзяць святы Першай Камуніі – як гэта было ў сельскіх храмах
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- «Пад зямлёй адчула сябе шчаслівай». Беларуска працуе ў шахце і запрашае туды на Імшу