«У касцёле на мяне дзіўна глядзелі». Камерунец прыехаў жыць у райцэнтр і гуляе ў мясцовым ФК
- Written by KATOLIK.LIFE
- Published in Соцыум
- Add new comment
Футбаліст прыходзіць у каталіцкі храм не толькі на Імшу, але і памаліцца перад трэніроўкай. А жонка ў яго – праваслаўная, таму з ёй ён ходзіць у царкву.
Цэнтральны абаронца ФК «Смаргонь» Крысціян Ролін Мпамезак Інтсоен распавёў пра сваю веру. 23-гадовы футбаліст з Камеруна ўжо некалькі гадоў жыве ў Беларусі і цяпер выступае за гэты клуб у першай лізе нацыянальнага чэмпіянату. Крысціян ажаніўся з мясцовай дзяўчынай Веранікай, у сужэнцаў нядаўна нарадзілася дзіця, а камерунец атрымаў від на жыхарства ў Беларусі.
«Я католік. Часта наведваю касцёл у Смаргоні. Першапачаткова на мяне ўсе дзіўна глядзелі. Не ведаю, што ў іх было ў думках... Але я ўжо прывык. Часам перад трэніроўкай заходжу ў касцёл памаліцца, – распавёў ён раённай газеце «Светлы шлях». – Мая жонка – праваслаўная. З ёй хаджу ў царкву, а яна са мной – у касцёл. Бог адзін».
Крысціян прызнаўся, што службу на беларускай мове пакуль не разумее, але ведае парадак яе правядзення, і моліцца па-французску.
Наш канал в Telegram – только важное. Подписаться >
«Бабуля жонкі, калі прыходзіць да нас у госці, размаўляе са мной на беларускай мове. Яна забывае, што я яе не разумею. Ведаю толькі некалькі слоў: "дзякуй", "кахаю"», – распавёў футбаліст.
Сына сужэнцы назвалі Давідам і плануюць хрысціць яго ў каталіцкім храме.
Related items
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы