У Нігерыі тэрарысты спалілі больш за 180 касцёлаў
- Written by katolik-gomel.by
- Published in Царква
- Add new comment
Толькі з пачатку года ад дзейнасці «Бока Харам» загінулі больш за дзве тысячы людзей.
Больш за 180 касцёлаў спалены ісламскімі тэрарыстамі «Бока Харам» падчас нападаў на гарады і вёскі ў штатах Борна і Адамава ў паўночна-ўсходняй Нігерыі.
З мая 2014 года на гэтых тэрыторыях знаходзіцца нігерыйская армія, якая сочыць за падтрыманнем парадку, але ўсё ж такі жыхары гэтых мясцовасцяў, колькасць якіх складае больш за 190 тысяч чалавек, не могуць вярнуцца ў свае дамы і жывуць у спецыяльных лагерах, кожны з якіх мае сваіх душпастыраў.
Толькі з пачатку года, паводле дадзеных Human Rights Watch, ад дзейнасці «Бока Харам» загінулі больш за дзве тысячы людзей (прынамсі, 2053).
«Бока харам» — радыкальная нігерыйская ісламісцкая секта, якая стала вядома ў 2002 годзе. Галоўная мэта арганізацыі — увядзенне шарыяту на ўсёй тэрыторыі Нігерыі і выцясненне заходняга ладу жыцця. У маі 2014 года Савет Бяспекі ААН дадаў яе да спісу тэрарыстычных арганізацый.