Святы Айцец удзяліў хрост 33 немаўлятам
- Written by katolik-gomel.by
- Published in Царква
- Add new comment
Пантыфік заклікаў прысутных насіць з сабой заўсёды Евангелле і чытаць яго.
Падчас урачыстай Эўхарыстыі ў Сікстынскай капэле 11 студзеня 2015 г., папа Францішак уздзяліў сакрамэнт хросту 33 немаўлятам. Паводле традыцыі, уведзенай св. Янам Паўлам ІІ, у свята Хросту Пана, Пантыфік хрысціць дзяцей супрацоўнікаў ватыканскіх устаноў. У сваёй гаміліі Святы Айцец заклікаў бацькоў і хросных дапамагаць ахрышчаным дзецям расці ў святле Божага слова і папрасіў аб малітве за шматлікіх маці ў розных частках свету, якія не маюць магчымасці накарміць уласных дачок і сыноў. “Памолімся за іх і паспрабуем ім дапамагчы”, сказаў Папа. Ён дадаў, што слова Божае, мае для душы такі самы эфект, як малако – для цела дзіцяці: “слова Божае дапамагае расці ў веры”. Асаблівую ўвагу Францішак звярнуў на важнасць перадачы веры. “Дарагія бацькі і хросныя, калі жадаеце, каб вашы дзеці сталі сапраўднымі хрысціянамі, дапамагайце ім расці “пагружанымі” у Святога Духа, гэта значыць у любоў Божую і святло Яго слова”, пажадаў ён.
Пантыфік заклікаў прысутных насіць з сабой заўсёды Евангелле і чытаць яго. “Важным з’яўляецца добры прыклад, які можаце даць – прыклад бацькоў, хросных, дзядзькаў, якія чытаюць Евангелле”, сказаў ён. Папа заклікаў таксама штодзённа звяртацца да Святога Духа. “Звычайна мы молімся да Езуса. Калі кажам “Ойча наш” – звяртаемся да Айца. Але, да Святога Духа молімся не часта”, заўважыў Францішак. На яго думку, вельмі важна маліцца да Святога Духа, каб Ён навучыў добраму сямейнаму жыццю і каб дзеці раслі ў атмасферы Святой Тройцы.
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад
- Ці ўступаць у піянеры, спыталі ў вернікаў – частка адказаў здзівіла
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Пацалунак пад абразом і цягнік з адным вагонам – чым дзеліцца парафія ў глыбінцы