Манахі ў Беларусі ладзяць конкурс сэлфі

У сувязі з распачатым Годам кансэкраванага жыцця айцы піяры аб’яўляюць конкурс «Сэлфі з айцом піярам», паведамляе Catholic.by.

Умовы ўдзелу:

• фотаздымкі павінны быць добрай якасці
• на здымку павінен быць толькі сам удзельнік і адзін або некалькі айцоў піяраў
• кожны ўдзельнік можа даслаць толькі адзін фотаздымак
• да ўдзелу запрашаюцца людзі з усіх месцаў, дзе працуюць айцы піяры (Ліда, Шчучын, Чавусы)
• айцец піяр павінен быць апрануты ў габіт (духоўнае адзенне святара)
• улічваецца крэатыўнасць і арыгінальнасць
• здымкі павінны быць дасланы да 30 сакавіка на e-mail shma@poczta.fm (у лісце напісаць уласнае імя і прозвішча, узрост, горад, мабільны тэлефон)

Вынікі конкурсу стануць вядомыя 2 красавіка, у Вялікі чацвер, на афіцыйнай старонцы айцоў піяраў www.pijary.info.

Катэгорыя ўзросту:

• 0–7 гадоў
• 8–12 гадоў
• 13–17 гадоў
• 18–25 гадоў
• 26–50 гадоў
• 51 і больш гадоў

У кожнай з катэгорый будзе ўзнагароджана адно месца.