Каталіцкая Царква спыняе місію ў Антарктыдзе
- Written by katolik-gomel.by
- Published in Царква
- Add new comment
На кантыненце застанецца праваслаўны храм.
Пасля 57 гадоў місія Каталіцкага Касцёла пакідае Антарктыду. Прычына ў невялікай колькасці вернікаў і недахопе фінансавых рэсурсаў. Адзіны каталіцкі храм на кантыненце знаходзіцца на тэрыторыі амерыканскай даследчай станцыі Мак-Мёрда, найбуйнейшай у Антарктыдзе. Кс. Дэн Дойл, які быў тут душпастырам з 1984 г., растлумачыў, што паступова памяншаецца колькасць работнікаў станцыі, што звязана са скарачэннем бюджэту.
Калі адзіным сродкам камунікацыі з светам у Антарктыдзе былі радыёпрыёмнікі, людзі адчувалі сябе вельмі самотна. Католікі імкнуліся да размоў са святаром. Аднак, зараз іх рэлігійнасць аслабла; і гэта ў многім вынік прысутнасці інтэрнэту, лічыць кс. Дойл. У той жа час, святар запэўніў, што ён вельмі задаволены сваім доўгім служэннем тут. Ён клапаціўся не толькі пра рэлігійныя і духоўныя патрэбы многіх людзей, але і займаўся пытаннямі культуры і адукацыі, дапамагаючы ствараць атмасферу цяпла і салідарнасці сярод жыхароў станцыі.
У цяперашні час, супрацоўнікі станцыі пяройдуць пад часовую “міжканфесійную” духоўную апеку пратэстанцкага пастара. Мясцовы хрым, які называюць “снежным касцёлам”, заўсёды быў месцам малітвы не толькі для католікаў, але і пратэстантаў. Каталіцкага святара кіравала сюды дыяцэзія Крайстчэрч у Новай Зеландыі, а пастара заўсёды паветраныя сілы ЗША.
Палярная навукова-даследчая станцыя Мак-Мёрда, размешчаная ў паўднёвай частцы Вострава Роса, названа ў гонар лейтэнанта Арчыбальда Мак-Мёрда з карабля “HMS Terror”, які ў 1841 г., падчас экспедыцыі брытанскага даследчыка Джэймса Роса зрабіў першую карту гэтай вобласці. Яна была адкрыта ў 1956 г.
У Антарктыдзе па-ранейшаму дзейнічае Свята-Траецкая праваслаўная царква пры расійскай навукова-даследчай станцыі Белінсгаузен на востраве Кінг-Джордж. Невялікі драўляны будынак можа змясціць 30 чалавек. Служэнне ў ёй ажыццяўляюць манахі Троіца-Сергіевай Лаўры ў Сергіевым Пасадзе пад Масквой.
Related items
- Другую ноч запар у Беларусі і не толькі назіраюць паўночнае ззянне
- Над дамамі і храмамі: здымкамі яркага палярнага ззяння дзеляцца ў сетках
- Не Галівуд: беларускія святары запусцілі круты праект з асновай на рэальных фактах
- 9 траўня ў дзень Унебаўшэсця Пана католікі моляцца аб супакоі на зямлі
- Манах з Гудагая зрабіў арэлі для парафіі ў Мінску