Рада біскупскіх канферэнцый Еўропы пройдзе на Святой Зямлі
- Written by katolik-gomel.by
- Published in Царква
- Add new comment
На радзіме Езуса біскупы абмяркуюць выклікі часу.
Упершыню ў гісторыі, пленарная асамблея Рады Біскупскіх Канферэнцый Еўропы (ССEE) пройдзе ў Святой Зямлі. Сустрэча адбудзецца 11-16 верасня 2015 г. “Выбраўшы Святую Зямлю ў якасці месца правядзення будучай сустрэчы старшыні Біскупскіх Канферэнцый Еўропы жадаюць здзейсніць пілігрымку да каранёў Еўропы і еўрапейскай культуры”, - адзначаецца ў спецыяльным паведамленні аб’яднання.
Прабываючы на радзіме Езуса, біскупы будуць абмяркоўваць выклікі, якія стаяць перад мясцовымі Касцёламі ў Еўропе. Разам з імі ў сустрэчы прыме ўдзел кардынал Марк Уэлле, прэфект Кангрэгацыі па справах Біскупаў.
12 жніўня ўдзельнікі сустрэчы прымуць удзел у малітоўным чуванні ў інтэнцыі сем’яў, якое пройдзе ў Назарэце. Затым яны накіруюцца ў Бэтлеем, каб наведаць дабрачынныя касцёльныя структуры, школу для дзяцей з абмежаванымі фізічнымі і псіхічнымі магчымасцямі, а таксама цэнтр дапамогі ўдовам. У родным горадзе Езуса Хрыста іерархі спаткаюцца з мясцовымі біскупамі і прадстаўнікамі іншых хрысціянскіх канфесій. Рыхтуецца сустрэча з ізраільскімі і палестынскімі палітычнымі прадстаўнікамі. Апошнім пунктам пленарнай асамблем стане Эўхарыстыя ў храме Гробу Пана ў Іерусаліме.
У склад Рады Біскупскіх Канферэнцый Еўропы ўваходзяць кіраўнікі 33 еўрапейскіх епіскапатаў, а таксама арцыбіскупы Люксембурга, Княства Манака, мараніцкі архіепіскап Кіпра, біскуп Кішынёва, Мукачаўскай епархіі і Апостальскі Адміністратар Эстоніі.
Related items
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня