У Курапатах прайшла міжканфесійная малітва за Беларусь
- Written by katolik-gomel.by
- Published in Царква
- Add new comment
Вернікі адзначылі другую гадавіну малітоўнага марафону.
Ініцыятыве «Няспынная малітва за Беларусь» споўнілася два гады - гэтую дату ўдзельнікі ініцыятывы 20 красавіка адзначылі ў Курапатах масавай міжканфесійнай малітвай за краіну. У цэлым «Няспынная малітва за Беларусь», якая прадугледжвае штогадзіннае, у тым ліку начное чуванне ў малітве за краіну, аб'ядноўвае больш за 150 чалавек з розных куткоў Беларусі. Ва ўрочышчы Курапаты 20 красавіка сабраліся каля 25 удзельнікаў ініцыятывы з Мінска, сярод іх - католікі, праваслаўныя і пратэстанты.
Малітоўны марафон аб'ядноўвае свецкіх вернікаў розных хрысціянскіх канфесій. Першую гадавіну ініцыятывы яе ўдзельнікі адзначылі малітвай у катэдральным касцёле Мінска. А ў гэтым годзе сустрэча прайшла ў Курапатах, паколькі менавіта яны знаходзяцца ў цэнтры ўвагі краіны, паведаміла адна з арганізатараў малітвы, каталіцкая верніца Вольга Севярынец.
У Курапатах маліліся аб тым, каб «Беларусь стала соллю Еўропы», за нядаўна арыштаваных беларусаў, пра пакаянне Расіі, падзеі ў якой прывялі да сталінскіх рэпрэсій, што загубілі мільёны жыццяў. Бо Курапаты - месца масавых пахаванняў рэпрэсаваных, якія былі расстраляныя ў канцы 1930 - пачатку 1940-х гадоў. Гэта ўрочышчы з'яўляецца знакавым месцам для Беларусі, менавіта тут пачыналася нацыянальнае адраджэнне пасля выяўлення астанкаў рэпрэсаваных.
Related items
- Кветкі, ровары, жанчыны: замалёўка з Імшы ля прыдарожнага крыжа
- «Трымаецца, не скардзіцца, просіць аб малітве». Святар з Валожына – паўгода ў зняволенні
- Як усміхаецца найстарэйшы іерарх Беларусі? Неафіцыйны рэпартаж з Янава
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей