У цэнтры Віцебска адновяць старажытны касцёл, разбураны камуністамі
- Written by katolik.life
- Published in Царква
- Add new comment
Мінкульт даў станоўчую ацэнку эскізнай прапанове.
Знакаміты віцебскі касцёл святога Антонія Падуанскага, знесены ў 1961 годзе, адновяць у гістарычным месцы. Каменны каталіцкі храм на Рынкавай плошчы з'яўляўся часткай бернардынскага кляштара і быў пабудаваны на ахвяраванні Тэклі Агінскай, удавы віцебскага ваяводы. Касцёл быў асвечаны ў 1768 годзе і прастаяў амаль два стагоддзі. Унікальнасць аб'екта, пабудаванага італьянскім архітэктарам Юзафам Фантана, у тым, што ён з'яўляўся помнікам двух стыляў. Звонку - барока, усярэдзіне - рэнесансу.
- Пытанне аб аднаўленні касцёла ўжо практычна вырашана: Міністэрства культуры Беларусі дало станоўчую ацэнку эскізнай прапанове, - распавёў пробашч сучаснай парафіі св. Антонія Падуанскага ў Віцебску ксёндз Вячаслаў Барок газеце «Віцебскі Кур'ер». - Зацверджаны праект мае на ўвазе наданне касцёлу яго першаснага выгляду. Мы хочам зрабіць яго аўтэнтычным, і тут будзе важная кожная дэталь. Дарэчы, гэта і ўмова Міністэрства культуры.
Калі аднаўляць храм на дакладным гістарычным месцы, то вежы касцёла апынуцца на праезнай частцы вуліцы Леніна. Таму было вырашана крыху зрушыць будынак па восі.
Чытайце таксама: Анёл з гітарай і Пуцін на каленях. Чым здзівіў свет касцёл ў Віцебску [фота]
Related items
- «Не сказалі нават біскупу». Даведаліся, на які тэрмін асудзілі святароў у Віцебску
- Святары з Шуміліна застаюцца ў зняволенні, таксама была затрымана парафіянка
- Прыехалі ў касцёл на трох машынах: на Віцебшчыне затрымалі двух святароў
- Фэст у лясной капліцы з незвычайнай гісторыяй святкавалі капуцыны і пілігрымы
- І ў горадзе, і ў вёсцы: фестываль арганнай музыкі пройдзе ў касцёлах Беларусі