У свеце амаль 2 тыс. хрысціянаў кінутыя ў турмы за сваю веру
- Written by Katolik.life
- Published in Царква
- Add new comment
Усяго ганенням падвяргаюцца каля 215 млн. хрысціян, ахвярай гвалту або злоўжыванняў становіцца кожны 12-й хрысціянін.
Пераследу і дыскымінацыі ў свеце падвяргаецца каля 215 мільёнаў хрысціян, вынікае са справаздачы Міжнароднай правабарончай арганізацыі “Open Doors”, якая ставіць сваёй мэтай дапамогу вернікам у тых краінах, дзе яны сустракаюцца з ганеннямі. Сёлетнія дадзеныя тычацца перыяда з лістапада 2016 г. па кастрычнік 2017 г.
Паводле справаздачы, колькасць вернікаў, якія падвяргаюцца рознага роду пераследу пастаянна расце. Ахвярай насілля ці злоўжыванняў становіцца кожны дванаццаты хрысціянін. У разгледжаны перыяд нападам падвергнуліся 15,5 тыс. будынкаў: храмаў, крамаў і дамоў вызнаўцаў Хрыста.
У параўнанні з апошнім даследваннем колькасць мучанікаў – мужчын, жанчын і дзяцей, якіх забілі за прыналежнасць да хрысціянскай рэлігіі – узрасла ў два разы і складае 3066 чалавек. У турмах па прычыне сваёй веры знаходзіцца 1922 хрысціяніна. Каля 1200 вернікаў былі выкрадзены, а больш за 33 тыс. сталі ахвярамі фізічнага і псіхалагічнага катавання.
Паводле арганізацыі “Open Doors”, у Афрыцы пераследу падвяргаюцца каля 80 мільёнаў хрысціян, у Азіі і на Блізкім Усходзе – каля 113 мільёнаў, у Лацінскай Амерыцы – каля 20 мільёнаў, у іншых частках свету – каля 12 тысяч вернікаў.
У першую дзесятку сумнага спісу небяспечных для хрысціян краін ўваходзяць Паўночная Карэя, Афганістан, Самалі, Судан, Пакістан, Эрытрэя, Лівія, Ірак, Емен і Іран.
Сярод самых небяспечных для вернікаў з’яў – радыкалізацыя фундаменталісцкага іслама, у прыватнасці, у краінах Афрыкі і азіяцкім неарабскім мусульманскім свеце. Назіраецца павелічэнне выпадкаў этнічных чыстак па рэлігійнай прыналежнасці ў Нігерыі, Кеніі, Самалі і Судане.
Пагрозай для хрысціян Азіі з’яўляецца “рэлігійны нацыяналізм”: індуісцкі – ў Індыі і Непале, а будысцкі – у Шры-Ланцы, Бутане і М’янме. Яшчэ адна з’ява - “ідэалагічны нацыяналізм”, уплыў якога назіраецца ў Кітаі, Вьетнаме і Лаосе.
Related items
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- Ватыкан не паведамляў аб адмове Папы Рымскага ад удзелу ў мірным саміце па Украіне
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп