Затрыманыя злодзеі, якія вынеслі з касцёла пад Віцебскам 8 тыс. рублёў

Люты 2, 2018
Written by Katolik.life
Published in Царква
Add new comment

Знайсці зламыснікаў дапамаглі відэакамеры, устаноўленыя напярэдадні.

Віцебская міліцыя затрымала дваіх зламыснікаў па падазрэнні ў буйным крадзяжы з мясцовага касцёла. Беспрацоўныя мужчыны ва ўзросце 21 і 22 гадоў прайшлі ў будынак рымска-каталіцкай парафіі Маці Божай Фацімскай у Шуміліна і вынеслі з храма 8 тыс. рублёў.

У парафіі сталі заўважаць дробныя крадзяжы, якія былі здзейснены напярэдадні, таму ўсталявалі камеры відэаназірання. З іх дапамогай і атрымалася знайсці злодзеяў, якія вярнуліся ў храм для буйнейшага крадзяжу - змесціва сейфа. Там знаходзіліся грошы, якія належаць супольнасці. Таксама былі выкрадзены асабістыя зберажэнні старшыні парафіяльнага камітэту. У цэлым сума скрадзенага склала звыш 8 тыс. рублёў у эквіваленце.

У дачыненні да маладых зламыснікаў распачата крымінальная справа за крадзеж, учынены паўторна групай асобаў, паведамляе Віцебскае УУС.

Tagged under