На аднаўленне касцёла ў Мсціславе сабралі ўжо 5,5 тыс. рублёў
- Written by Katolik.life
- Published in Царква
- Add new comment
У адрамантаваным храме плануецца размясціць канцэртную залу для музычнай школы.
На аднаўленне былога каталіцкага храма ў Мсціславе сабрана ўжо 5,5 тыс. рублёў (у эквіваленце прыкладна 2,5 тыс. еўра). Нагадаем, унікальны аб'ект спадчыны - касцёл, які ўваходзіць у склад гісторыка-культурнай каштоўнасці нацыянальнага значэння «Былы калегіюм езуітаў» у Мсціславе, руйнуецца і патрабуе тэрміновых работ.
- Каля 4,5 тыс. на дабрачынны рахунак пералічылі простыя людзі і арганізацыі, астатнюю суму перавялі з Міністэрства культуры Беларусі. Чакаецца, што яшчэ паступяць сродкі, сабраныя падчас дабрачыннага канцэрту ў Магілёве, - распавёў Katolik.life актывіст Дзяніс Касцюкевіч, адзін з ініцыятараў збору сродкаў для аднаўлення храма.
Па словах актывіста, усяго на дадзены момант патрабуецца прыкладна 300 тыс. рублёў (каля 150 тыс. еўра):
- Пакуль ідзе размова не аб аднаўленні храма, а пра тое, каб спыніць яго руйнаванне, пасля чаго пачнецца праца непасрэдна па рэстаўрацыі. 8 лютага была падпісаная дамова з арганізацыяй, якая будзе абследаваць аб'ект і пасля зробіць заключэнне, якія супрацьаварыйныя мерапрыемствы неабходна зрабіць.
У адрамантаваным касцёле плануецца размясціць канцэртную залу для мясцовай музычнай школы, аднавіць орган, а таксама стварыць музей:
- То бок задача - захаваць помнік архітэктуры і зрабіць так, каб ён прыносіў карысць, - патлумачыў Дзяніс Касцюкевіч.
Збор сродкаў працягваецца. Рэквізіты дабрачыннага рахунку: BY73 BAPB 31352908100160000000, в РКЦ № 19 в г.Мстиславль филиала ОАО «Белагропромбанк – Могилевское областное управление» Код BAPВBY27458, УНП 790613221 (Пожертвование на восстановление бывшего костела в Мстиславле).
Media
Related items
- Месяцовае і сонечнае гало назіралі беларусы ў Вялікі тыдзень
- Аксана, Сяргей, Паліна, Павел... За тых, хто не сустрэне Вялікдзень дома, моляцца ў Вялікі чацвер
- Дзе глядзець відэа-онлайн на Вялікдзень-2024 – падборка прамых трансляцый з касцёлаў
- Абяцаныя працы не пачаліся. Паўтара гады, як зачынены Чырвоны касцёл у Мінску
- Помнік беларускаму герою Кастусю Каліноўскаму адкрылі ў Вільні