У Чырвоны касцёл прывезлі званы, на якія беларусы збіралі грошы
- Written by Katolik.life
- Published in Царква
- Add new comment
У цэнтры Мінска будуць гучаць званы - пасля завяршэння рэканструкцыі храма.
Званы для Чырвонага касцёла ў Мінску даставілі ў святыню. Нагадаем, цяпер праходзіць рэканструкцыя касцёла, падчас якой помніку архітэктуры вяртаюць гістарычны выгляд. Грошы на званы парафія збірала з дапамогай вернікаў з усёй Беларусі. Неабходна было сабраць 70 тыс. еўра. Званы адлівала польская фірма RDUCH.
- Доўгачаканыя званы сёння прывезлі ў касцёл. Гэта звон Алімпіі, Сымона і Алены; звон Слугі Божага Эдварда Вайніловіча і звон Арханёла Міхала, - паведаміў у суполцы «Каталікі Беларусі» ў Фэйсбуку Eliasz Mirankou.
Побач са званамі можна заўважыць скульптуру. Гэта фігура святога Шарбэля, якую таксама паставяць у храме.
Нагадаем, будаўніцтва касцёла св. Сымона і св. Алены (Чырвонага касцёла) пачалося ў 1905 годзе, працамі кіраваў мінскі дваранін Эдвард Вайніловіч, ён жа ахвяраваў буйную суму на будаўніцтва храма. У савецкі час, перад тым, як храм вярнулі католікам, у Чырвоным касцёле размяшчаўся Дом кіно. Будынак падвяргаўся перабудове - з'явіліся прыбудовы на левым бакавым фасадзе, тры апсіды былі злучаныя ў адну. Цяпер помніку архітэктуры вяртаюць гістарычны выгляд.
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Без цуду, але з падтрымкай: як «Радыё Марыя» выходзіць з цяжкай сітуацыі