Папа Францішак павіншаваў з юбілеем беларускага Мітрапаліта Філарэта
- Written by Katolik.life
- Published in Царква
- Add new comment
Пантыфік перадаў віншаванне праз арцыбіскупа Кандрусевіча, якога выпадкова сустрэў у Ватыкане. А яшчэ сказаў, што памятае аб запрашэнні наведаць Беларусь.
Папа Рымскі Францішак 11 кастрычніка выпадкова сустрэў у Ватыкане старшыню Канферэнцыі каталіцкіх біскупаў у Беларусі мітрапаліта Тадэвуша Кандрусевіча. Беларускі іерарх суправадзіў Пантыфіка на пасяджэнне Сінода і падчас дарогі расказаў, што сёння Ганаровы Патрыяршы Экзарх усяе Беларусі Мітрапаліт Філарэт адзначае 40-годдзе прызначэння кіраўніком Беларускай Праваслаўнай Царквы.
Папа, даведаўшыся пра юбілей мітрапаліта Філарэта, папрасіў ад яго імя павіншаваць Ганаровага Патрыяршага Экзарха і запэўніць у яго блізкасці і малітве. Па тэлефоне з Ватыкана мітрапаліт Кандрусевіч павіншаваў праваслаўнага брата ад свайго імя, падзякаваўшы за за вялікі ўнёсак у духоўнае адраджэнне Беларусі, а таксама перадаў віншаванне ад Папы Рымскага, паведамляе Catholic.by.
Таксама падчас кароткай размовы па дарозе на Сінод арцыбіскуп Кандрусевіч і папа Францішак размаўлялі пра Каталіцкую Царкву ў Беларусі. Пантыфік памятае, што прэзідэнт Беларусі запрашаў яго наведаць краіну. Аб сваёй надзеі, што гэты візіт адбудзецца, сказаў Францішку мітрапаліт Кандрусевіч.
Фота: Catholic.by.
Related items
- Як усміхаецца найстарэйшы іерарх Беларусі? Неафіцыйны рэпартаж з Янава
- Правілы прызнання цудоўных з'яў змянілі ў Ватыкане
- У Беларусі прызнаны гісторыка-культурнай каштоўнасцю каталіцкі абрад «Тры каралі»
- Дыскатэкай на ўсю вуліцу адзначаюць на Гродзеншчыне... Першую Камунію ў дзяцей
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна