«Бог побач, Ён усміхаецца!» Фотафакт з Гродна
- Written by Katolik.life
- Published in Царква
- Add new comment
Над фарным касцёлам заснялі яркую вясёлку
Прыгожае фота апублікавала на сваёй старонцы ў сацсетцы каталіцкая верніца з Гродна Анюта Маміна. Яна засняла яркую вясёлку над фарным касцёлам у сваім горадзе (Катэдральны сабор Святога Францішка Ксаверыя).
- Бог побач, Ён усміхаецца! - падпісала дзяўчына свой здымак.
Нагадаем, у хрысціянстве вясёлка - гэта сімвал запавету Бога з чалавекам (або знак Божага прабачэння). Пра гэта напісана ў Старым Запавеце Бібліі, дзе распавядаецца пра тое, што адбылося пасля Сусветнага патопу:
Выйшаў Ной з усім сямействам сваіх з каўчэга. Таксама ўсе жывёлы разышліся па зямлі і птушкі разляцеліся па дрэвах. Ной склаў з камянёў ахвярнік. Затым ён узяў некалькі жывёл і птушак і прынёс іх у ахвяру Богу. Госпаду была да спадобы гэтая ахвяра, і Ён сказаў: "Не буду больш праклінаць зямлю за чалавека, бо намысел сэрца чалавечага - зло ад маладосці ягонай; і не буду болей забіваць усё жывое, як Я зрабіў. У далейшым ва ўсе дні зямлі сяўба і жніво, холад і спёка, лета і зіма, дзень і ноч не спыняцца". Бог блаславіў Ноя і сыноў ягоных і сказаў ім: "Вось, Я пастаўлю запавет Мой з вамі і з нашчадкамі вашымі пасля вас... што не будзе болей знішчана ніякая плоць водамі патопу і не будзе ўжо патопу на спусташэнне зямлі... Я кладу вясёлку Маю ў воблаку, каб яна была азнакаю запавету паміж Мною і паміж зямлёю... Калі Я навяду воблака на зямлю, дык явіцца вясёлка ў воблаку... і ўспомню запавет вечны паміж Богам і паміж усякай душою жывою... Вось азнака запавету, які Я паставіў паміж Мною і паміж усякім целам, якое на зямлі".
Media
Related items
- Teresa & Maria: у фінал Еўрабачання выйшла Украіна з песняй з хрысціянскім кантэкстам
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад