BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

«З заклікам да сумленнасці і неабыякавасці». Вернікі звярнуліся да каталіцкіх святароў

Ініцыятары запрашаюць адслужыць святыя Імшы ў інтэнцыі сумленных выбараў у Беларусі

Група вернікаў, удзельнікі кампаніі «Католік, фальсіфікацыя выбараў - гэта цяжкі грэх», 17 лiпеня распаўсюдзіла зварот да каталіцкіх святароў Беларусі.

- Ад імя католікаў нашай Айчыны звяртаемся з просьбай аб цэлебрацыі святых Імшаў і правядзення іншых набажэнстваў у інтэнцыі сумленных выбараў у нашай краіне, - пішуць удзельнікі ініцыятывы. - Мы горача верым і адчуваем, што такая малітоўная падтрымка - у выглядзе малітвы з заклікам да сумленнасці і неабыякавасці, павінна загучаць ва ўсіх касцёлах і капліцах нашай Беларусі.

Таксама свецкія запрасілі святароў падчас нядзельных казанняў падняць тэму справядлівых выбараў і ўдзелу ў іх каталіцкіх вернікаў - згодна з вучэннем Каталіцкай царквы і вечным Божым законам, які большы за загады часовай улады.

- Горача прагнем, каб гэтая малітоўная падтрымка ахінула ўсю нашу Айчыну, а таксама і беларусаў Замежжа, якія з усіх куткоў свету змогуць разам з намі маліцца анлайн. Будзем разам маліцца за магчымасць здзейсніць правільны выбар, быць і ў малітве, і ў справе адданымі сынамі і дачкамі сваёй Айчыны, - адзначаюць вернікі.

Нагадаем, праз кампанію «Католік, фальсіфікацыя выбараў - гэта цяжкі грэх» ініцыятары звяртаюцца да сябраў выбарчых камісій і ўсіх, хто ўдзельнічае ў гэтым важным для грамадства і лёсу краіны палітычным працэсе, з заклікам выконваць заканадаўства Беларусі і прадухіляць любыя парушэнні.

Media

Last modified onПятніца, 17 Ліпень 2020 12:55
Дадаць каментарый

Ахоўны код
Абнавіць