У Чырвоным касцёле Мінска тры дні запар адключалі электрычнасць
- Written by KATOLIK.LIFE
- Published in Царква
- Add new comment
Гэта адбываецца падчас мітынгаў на плошчы, святыя Імшы праходзяць пры свечках
Ужо тройчы ў Чырвоным касцёле на плошчы Незалежнасці ў Мінску адключалі электрычнасць. Парафіяне заўважылі, што гэта адбываецца падчас правядзення каля касцёла мітынгаў нязгодных з афіцыйнымі вынікамі прэзідэнцкіх выбараў. Першы раз святло ў парафіі св. Сымона і св. Алены адключылі днём у нядзелю, 23 жніўня, перад пачаткам шматтысячнага маршу. Тады камунальнікі патлумачылі гэта "пазаштатнай сітуацыяй".
Аднак сітуацыя паўтарылася ўвечары 24 і 25 жніўня - падчас акцый на плошчы Незалежнасці.
- Хоць і без святла, але ў праўдзе. Святая Божая Праўда - наша святло, якое пераможа гэтую цемру, - піша ў сацыяльнай сетцы парафіянін касцёла. - А тым часам плошча каля касцёла стала месцам сапраўднага прыцягнення для тых, хто любіць Беларусь і чакае пераменаў.
- У насцеж адчыненыя дзверы даносяцца з плошчы заклікі да свабоды. Плошча заглушала ксяндза, але ў паветры лунала адзінства. Я малілася са слязамі на вачах за нашу шматпакутную Радзіму, - піша іншая верніца.
Нагадаем, яшчэ перад выбарамі парафіі Чырвонага касцёла сталічныя ўлады выставілі непад'ёмны рахунак >
Related items
- Над дамамі і храмамі: здымкамі яркага палярнага ззяння дзеляцца ў сетках
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі