Першы выступ новага Мітрапаліта: «Божа, благаславі Беларусь!»
- Written by KATOLIK.LIFE
- Published in Царква
- Add new comment
Біскуп Юзаф Станеўскі папрасіў вернікаў архідыяцэзіі прыняць яго як брата
Падчас афіцыйнага абвяшчэння аб прызначэнні новага Мітрапаліта Мінска-Магілёўскага, якое адбылося ў Гродзенскай курыі 14 верасня, новапрызначаны кіраўнік архідыяцэзіі біскуп Юзаф Станеўскі выступіў со словам.
- Зноў да мяне звярнуўся Хрыстус Пан праз рашэнне Святога Айца Францішка з заклікам: “Пайдзі за Мной”. І сапраўды, гэты заклік, вялікае заданне, якое Папа ўскладвае на мае плечы, на маю сціплую асобу, - вялікі давер, - цытуе grodnensis.by.
Пасля падзякі да Касцёла на Гродзенскай зямлі іерарх скіраваў слова да паствы Мінска-Магілёўскай архідыяцэзіі:
- Звяртаюся да вас таксама словамі Святога Пісання, Старога Запавету: з заклікам і просьбай, каб вы мяне прынялі, бо я, Юзаф - ваш брат.
Паводле біскупа, ён давярае сваё новае служэнне апецы Найсвяцейшай Панны Марыі Будслаўскай, Каралевы Беларусі, а таксама ўсіх святых зямлі беларускай:
- Прашу і заклікаю Бога: Божа, благаславі Беларусь, наш народ і маё служэнне. Нагадаем, біскуп Станеўскі, акрамя ўсяго, вядомы тым, што піша блогі і прыгожа спявае. А яшчэ - сваёй адкрытай і шчырай усмешкай.
Media
Related items
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Не святар: разабралі памылковую інфармацыю пра затрыманне верніка ў Омску
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?