"Застаемся тут". Святар, які працаваў у Мазыры, служыць Імшы пад абстрэламі каля Кіева
- Written by KATOLIK.LIFE
- Published in Царква
- Add new comment
Менавіта з ваколіц беларускага Мазыра войска РФ запускае ракеты на гарады Украіны
Пробашч рымска-каталіцкай парафіі Святой Тэрэзы ад Дзіцяткі Езуса ў Ірпені - горадзе пад Кіевам, які люта атакуюць расійскія войскі - распавёў, што застаецца разам са сваімі парафіянамі. Айцец Тадэвуш Волас - святар-манах з Польшчы, шмат гадоў ён служыў у Гомельскай вобласці Беларусі, быў дэканам Мазырскага дэканата Пінскай дыяцэзіі РКЦ. Менавіта з ваколіц Мазыра армія РФ запускае ракеты на гарады Украіны.
- Застаемся тут, спрабуем падтрымліваць людзей, каб не падалі духам. Трэба быць з людзьмі, - адказаў на пытанне журналіста айцец Тадэвуш Волас SCJ і дадаў, што штодня раніцай у капліцы праходзіць святая Імша.
Святар - з кангрэгацыі Найсвяцейшага Сэрца Пана Езуса. Акрамя Мазыра ён служыў таксама ў Хойніках і Лельчыцах - памежных з Украінай раённых цэнтрах Беларусі.
Media
Related items
-
Чаму ў Беларусі мала святароў і жадаючых імі стаць – меркаванні вернікаў
-
50 – 100 кіламетраў кожную нядзелю: у Беларусі – востры недахоп каталіцкіх святароў
-
Рэкордная колькасць чалавек далучылася да Каталіцкай царквы ў Маскве
-
Як прайшло ў цэнтры Мінска масавае шэсце католікаў – адметнасці
-
Асаблівы выпадак: вайсковы аркестр суправадзіў каталіцкую працэсію ў Віцебску