Радасць, спевы: як сустракаюцца пакаленні парафіян закрытага Чырвонага касцёла
- Written by KATOLIK.LIFE
- Published in Царква
- Add new comment
Храм парафіі святога Сымона і святой Алены ў Мінску закрыты ўжо амаль пяць месяцаў [кранальнае відэа]
Плябанія – асобны будынак, дзе жывуць святары, – застаецца месцам, дзе збіраюцца на малітву парафіяне закрытага Чырвонага касцёла ў Мінску. Па-ранейшаму ў будынку няма электрычнасці, вады і ацяплення, таму цяпер, у маразы, такія малітвы адбываюцца ў экстрэмальных умовах.
Аднак вернікаў гэта не палохае, хоць і даводзіцца абуваць валёнкі. Як паведамляюць парафіяне, яны працягваюць збірацца ў плябаніі, у тым ліку на малітву Ружанца ў першыя суботы месяца – разам з дзецьмі. Уражаннямі дзялілася адна з верніц:
«Чырвоны касцёл трымаецца. Нягледзячы на мароз і холад у плябаніі, нас становіцца з кожным разам болей. Якімі словамі можна ахарактарызаваць гэту першую суботу месяца? Вельмі простымі: смех, радасць, малітва, спевы, торцік... Пара ідзе з маленькіх роцікаў... Зябка, холадна і цёмна, але ж дома! Маці Марыя ўсмешкай з абраза асвеціць спатканне і ахіне ў цёплых пяшчотных абдымках».
Кранальнае відэа з плябаніі з'явілася 16 лютага. Дзве верніцы, прадстаўніцы розных пакаленняў, моляцца перад абразом Божай Маці – кожная адначасова ў дзвюх розных формах: спевам пад гітару і на каленях з малітоўнікам і свечкай.
Media
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле