7 месяцаў як зачынены Чырвоны касцёл у Мінску. Вернікі пачынаюць самую моцную малітву
- Written by KATOLIK.LIFE
- Published in Царква
- Add new comment
Неабыякавых запрашаюць пачаць Пампейскую навэну, якая доўжыцца 54 дні, з просьбай аб вяртанні храма вернікам.
26 красавіка споўнілася 7 месяцаў як зачынены Чырвоны касцёл у Мінску. У сувязі з гэтым рыма-каталіцкая парафія святога Сымона і святой Алены апублікавала зварот:
«Ужо сем месяцаў, як наш касцёл апячатаны для Езуса Хрыста і вернікаў. На вялікі жаль, нават на Велікодныя святы мы не мелі магчымасці праслаўляць Госпада ў Яго святыні. Працягваем трываць у штодзённай шчырай малітве аб вяртанні касцёла нашым парафіянам і душпастырам. Аддаём гэтую справу Богу, Які ёсць Праўдай і Справядлівасцю. Набліжаецца месяц май, прысвечаны Найсвяцейшай Панне Марыі. Запрашаем усіх, хто неабыякавы да лёсу нашай святыні, з 1 мая пачаць Пампейскую навэну. Маці Божая, заступіся за нас!»
Пампейская Навэнна доўжыцца 54 дні і лічыцца самай моцнай малітвай. Былі афіцыйна пацверджаны цуды, якія Пан учыніў праз заступніцтва Пампейскай Божай Маці.
Наш канал в Telegram – только важное. Подписаться >
Да гэтага часу невядомы выпадак, каб хто-небудзь, з вераю молячыся Пампейскай навэннай (якую таксама называюць безадмоўнай), пасля яе заканчэння, не быў адораны ласкай, пра якую прасіў.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле