Пасля публікацый у прэсе і малітваў святара з Навагрудка не сталі забіраць у войска
- Written by KATOLIK.LIFE
- Published in Царква
- Add new comment
Святар быў скіраваны з лідскага ваенкамату ў Гродна, і там стала вядома, што ксяндза не будуць прызываць на вайсковую службу.
Вікарыя парафіі святога Міхала Арханёла ў Навагрудку не сталі забіраць у войска. 26-гадовы ксендз Дзмітрый Малец вернецца да служэння ў касцёле, паведаміў 23 траўня пробашч парафіі ксёндз Юрый Жэгарын. Перад гэтым святар апублікаваў відэа і напісаў, што ранкам вікарый прыбыў ў лідскі ваенкамат і быў скіраваны ў Гродна.
Напярэдадні ў інтэнцыі ксяндза Дзмітрыя цэлебравалі святую Імшу, а пасля таго, як інфармацыя аб прызыве святара ў войска была абнародавана ў прэсе, многія вернікі маліліся, каб вікарый застаўся ў парафіі. Так і адбылося. «Добрая навіна! Ксяндза Дзмітрыя не возьмуць у армію. Хвала Езусу!», – падзяліўся ксёндз Юрый Жэгарын.
Сам ксендз Дзмітры пакуль гэта не каментуе – з якой фармулёўкай скасавалі прызыў, не вядома. Як даведаўся Katolik.life з неафіцыйных крыніц, святара паклалі ў шпіталь для медыцынскага назірання.
Media
Related items
-
Не так як звычайна прайшоў у Мінску гарадскі Крыжовы шлях. Прычына – на фота
-
«Нельга святкаваць Вялікдзень і...» Моцнае слова арцыбіскупа Кандрусевіча на Пасху
-
Цудоўная гісторыя ў Вербную нядзелю: дзядулі ў Гродне дапамаглі праз «сілу Threads»
-
Ва ўмовах вострага недахопу святароў прызначаны пробашчы парафій, дзе служылі польскія ксяндзы
-
Новы факт ціску на католікаў у РФ: з храма ва Уладзіміры патрабуюць прыбраць абраз заступніка парафіі