Цяпер і Аглонская: у знакамітай калекцыі з'явіцца новая ікона – чым яна адметная для беларусаў?
- Written by KATOLIK.LIFE
- Published in Царква
- Add new comment
Пробашч Чырвонага касцёла запрашае ў пілігрымку ў Латвію, дзе благаславяць новую копію цудатворнага абраза.
У экспазіцыі самых шанаваных у Беларусі ікон Панны Марыі з'явіцца спіс яшчэ аднаго абраза Божай Маці. Такім чынам, ужо 17 ікон будзе ў калекцыі, якая стала знакамітай сярод католікаў Беларусі — пасля таго, як экспазіцыя наведала мноства парафій у краіне, Вострую Браму ў Вільні і Ясную гару ў Чэнстахове, а асабліва пасля наведвання Ватыкана, дзе калекцыю благаславіў Папа Рымскі.
Новы абраз, які дададуць у экспазіцыю — Маці Божай Аглонскай. Яго копію ўжо стварыла мастачка і іканапісец Ядзвіга Сянько з Маладзечна — як і копіі іншых абразоў у калекцыі. Пра гэта мастачка распавяла на сваіх старонках у сацсетках.
Цудатворны абраз Маці Божай Аглонскай — самая шанаваная сярод католікаў (а таксама праваслаўных) Латвіі. Яна знаходзіцца ў базыліцы ў сяле Аглона і з'яўляецца спісам з Тракайской іконы Божай Маці. А Тракайскі абраз падарыў візантыйскі імператар Мануіл II вялікаму Князю Літоўскаму Вітаўту — найбольш вядомаму і паважанаму кіраўніку ВКЛ, дзяржавы на тэрыторыі цяперашняй Беларусі. Як і Тракайскі, Аглонскі абраз шануецца ў Літве, Беларусі, а таксама ў Расіі.
Галоўныя ўрачыстасці ў Аглонскай базыліцы праходзяць 15 жніўня, калі католікі святкуюць Унебаўзяцце Найсвяцейшай Панны Марыі — у гэты дзень тут збіраюцца шматлікія паломнікі. Пробашч парафіі дагэтуль закрытага Чырвонага касцёла ў Мінску ксёндз Уладзіслаў Завальнюк — ініцыятар стварэння спісаў Марыйных абразоў і іх перэгрынацыі па парафіях Беларусі — арганізоўвае пілігрымку з Мінска ў Аглону. Там новы ў экспазіцыі абраз будзе пабласлаўлены і з таго часу калекцыя працягне сваё «падарожжа» ўжо з 17 абразамі.
Наш канал в Telegram – только интересное и важное. Подписаться >
Нагадаем, у экспазіцыі ўжо ёсць копіі двух замежных ікон Багародзіцы, шанаваных у Беларусі — Вастрабрамскай і Чэнстахоўскай. Гэта падкрэслівае агульную духоўную спадчыну.
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Не святар: разабралі памылковую інфармацыю пра затрыманне верніка ў Омску
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная