Шукаць адказы, маліцца за народ: пілігрымка беларусаў замежжа выйшла ў шлях
- Written by KATOLIK.LIFE
- Published in Царква
- Add new comment
«За святароў, збітых пры ператрусе ў катэдральным касцёле Мінска, за тых, хто пакутуе ад пераследу, за ўсіх хрысціян» – з якімі інтэнцыямі ўдзельнікі адправіліся да мяжы Беларусі.
Другая пешая пілігрымка беларусаў замежжа 22 ліпеня пачалася ў Польшчы. За 7 дзён пілігрымы пераадолеюць 210 кіламетраў з Варшавы да санктуарыя ў вёсцы Кастамлоты на мяжы з Беларуссю.
Каардынатар пілігрымкі Арцём Ткачук распавёў, што ў шлях выйшлі 30 чалавек, і адзначыў, што ўдзельнікі сабраліся з розных куткоў Беларусі, а цяпер жывуць у розных рэгіёнах Польшчы. Пілігрымка «дарослая»: яе аснову складаюць працуючыя людзі, якія ўзялі адпачынкі спецыяльна для таго, каб адправіцца ў пілігрымку:
«Людзі прыязджаюць, бо хочуць маліцца. У шляху мы молімся за ўвесь наш народ, за Касцёл, які моцна церпіць цяпер, за ўсіх хрысціянаў у Беларусі, якія пакутуюць ад пераследу, за тых, хто цяпер знаходзіцца ў зняволенні і дае сведчанне сваёй веры. За праўду для нашага народа, вызвалення ад зла».
Паводле іншых удзельнікаў, перад выхадам у шлях яны даведаліся пра тое, што ў мінскім архікатэдральным касцёле пры нядаўнім ператрусе былі збітыя святары, а ў Лідзе, па невядомай пакуль прычыне, арыштавалі пробашча касцёла. Таму таксама і ў іх інтэнцыях пілігрымы адправіліся ў шлях.
Духоўны кіраўнік пілігрымкі – ксёндз Вячаслаў Барок. Кожны дзень шляху будзе мець тэмы духоўнага разважання. Адна з такіх тэм – перашкоды і выпрабаванні на жыццёвай дарозе: чаму Бог дапускае войны, турмы, пераслед, вымушаную эміграцыю.
Наш канал в Telegram – только интересное и важное. Подписаться >
Таксама пілігрымы ў дарозе будуць шукаць адказы на пытанні па тэме падзелаў і адзінства, шляху праўды і любові, разважаць над тым, ці з'яўляецца эміграцыя тупіком: дзеля чаго многія цяпер знаходзяцца ў пэўнай краіне, а не на Радзіме ці ў іншым месцы, якая лакальная місія кожнага.
Related items
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная