Гэта натхняе: эфектнае відэа знялі на святкаванні 520-годдзя касцёла ў Смаргоні
- Written by KATOLIK.LIFE
- Published in Царква
- Add new comment
Велічнасць момантаў – урачыстай Імшы, вячэрняй працэсіі са свечкамі, асвячэння фігуры святога Міхала Арханёла – перадае відовішчны ролік, зняты ў тым ліку з дапамогай квадракоптэра.
Прафесійнае відэа з урачыстасці 520-годдзя заснавання парафіі святога Міхала Арханёла ў Смаргоні апублікаваў 2 кастрычніка паблік «Фото Видео Аэросъемка в Сморгони». Эфектна зняты ролік, у тым ліку з дапамогай квадракоптэра, перадае велічнасць і урачыстасць момантаў.
Кульмінацыяй стала кансэкрацыя новага алтара святыні, гаворыцца ў паведамленні. Раней алтар у смаргонскім касцёле быў знішчаны савецкімі атэістычнымі ўладамі. Урачыстасць узначаліў Генеральны вікарый Мінска-Магілёўскай архідыяцэзіі біскуп Юрый Касабуцкі. Пасля традыцыйнага прывітання хлебам і соллю біскуп благаславіў новую сістэму званоў, якую вернікі падаравалі касцёлу на юбілей.
Таксама іерарх уклаў у алтар рэліквіі благаслаўлёнага мучаніка Стэфана Шандора. Пасля акту кансэкрацыі была асвечана дубовая алтарная настава з абразом Найсвяцейшага Сэрца Пана Езуса, які намаляваў мастак Вячаслаў Аўгусціновіч. На заканчэнне Эўхарыстыі ў вячэрнім змроку вернікі прайшлі са свечкамі працэсіяй па вуліцах горада.
Наш канал в Telegram – только интересное и важное. Подписаться >
А пасля адбылося асвячэнне новай фігуры святога Міхала Арханёла, якая была ўсталявана ля смаргонскага храма. Аўтарам скульптуры стаў Вадзім Мацкевіч, які прадставіў Арханёла, як ваяра Божай любові, які замест зброі трымае ў руцэ харугву-крыж – адзіную зброю вучняў Хрыста.
Media
Related items
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Мілыя фота з жывёламі ў Баранавічах выклалі манаскія асобы
- Пасля сутак на мяжы кіроўцу не ўпусцілі ў Беларусь з Польшчы. Прычына небанальная
- Адпраўка ў войска ў Беларусі адбываецца з удзелам святароў