Ацяпленне ўключылі не ўсім: у парафіі Чырвонага касцёла прыдумалі, як абагравацца гаршчкамі

У парафіі закрытага ўжо амаль 13 месяцаў Чырвонага касцёла ў Мінску аднавілі малітву Фацімскага Ружанца. Вернікі збіраюцца ў плябаніі — доме святароў, адзіным будынку, які ўдалося адстаяць.

Як распавяла адна з парафіянак, на нядаўняй сустрэчы пробашч парафіі Святога Сымона і святой Алены ксёндз Уладзіслаў Завальнюк асвяціў ружанцы, вернікі, якія прыйшлі на сустрэчу, у тым ліку з дзецьмі, разам маліліся, спявалі, гутарылі і дзяліліся пачастункамі.

У плябаніі, дзе жыве святар, дзяжураць парафіяне і праводзяцца малітвы, па-ранейшаму няма вады, электрычнасці і ацяплення. Нагадаем, у такіх умовах тут перажылі мінулую зіму. Печ, якой абагравалі памяшканне пасля адключэння ацяплення, забараніў выкарыстоўваць МНС, і яе давялося выкінуць.

Наш канал в Telegram – только интересное и важное. Подписаться >

Пачаўся новы халодны сезон, ацяпленне ў плябаніі застаецца перакрытым, таму пробашч прыдумаў спосаб, каб хоць неяк абаграваць памяшканне: у пакоях усталяваў канструкцыі са свечкамі, над якімі — гліняныя гаршчкі, якія збіраюць і захоўваюць цяпло.