Беларуская Біблія бясплатна: выдадзены пераклад з арыгінальных моў
- Written by KATOLIK.LIFE
- Published in Царква
- Add new comment
Над перакладам Святога Пісання Антоні Бокун працаваў 12 гадоў. Кнігу можна атрымаць бясплатна па двух адрасах у Мінску.
Выдадзена Біблія ў перакладзе на беларускую мову пастара мінскай хрысціянскай евангелічнай супольнасці «Ян Прадвеснік» Антонія Бокуна. Нагадаем, над перакладам Святога Пісання са старажытнагебрайскай і старажытнагрэцкай моваў вядомы пастар працаваў на працягу 12 гадоў.
14 снежня Антоні Бокун паведаміў пра тое, што пераклад Старога і Новага Запаветаў выдадзены ў адной кнізе, але купіць яе нельга – Біблію будуць распаўсюджваць бясплатна:
«Напрыканцы года Госпад даў магчымасьць надрукаваць Біблію па-беларуску. Я пачаў гэты пераклад у 2011 г. і з Божай дапамогай скончыў у 2023 г. Няхай Госпаду будзе ўся слава! Таксама вялікая падзяка ўсім, хто спрычыніўся да гэтага выданьня. Гэтую Біблію нельга набыць, але магчыма атрымаць бясплатна ў Мінскай багаслоўскай сэмінарыі Саюза эвангельскіх хрысьціян баптыстаў (г.Мінск, вул. Райніса, 6) або ў Тэалягічным інстытуце хрысьціян веры эвангельскай (г.Мінск, вул. Гурскага, 48)».
Ніякіх умоваў для атрымання кнігі няма – трэба толькі прыйсці па гэтых адрасах. Перакладчык дадаў, што ў электронным выглядзе Біблію па-беларуску можна чытаць праз мабільныя прыкладаньні YouVersion і MyBible, а таксама праз спецыялізаваныя сайты. Як ён удакладніў, у выданне ўвайшлі толькі кананічныя кнігі Старога Запавету.
Наш канал в Telegram – только интересное и важное. Подписаться >
Нагадаем, Каталіцкая і Праваслаўная цэрквы пакуль прадставілі пераклад на беларускую мову толькі Новага Запавету. Гэтыя пераклады таксама даступныя ў прыкладанні MyBible.
Media
Related items
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Ці ўступаць у піянеры, спыталі ў вернікаў – частка адказаў здзівіла
- «Пад зямлёй адчула сябе шчаслівай». Беларуска працуе ў шахце і запрашае туды на Імшу
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне