Беларускі біскуп правёў размову з Папам Рымскім

Кастрычнік 5, 2024
Written by KATOLIK.LIFE
Published in Царква
Add new comment

«З благаслаўленнем для ўсёй Беларусі адышоў шчаслівым», адзначыў іерарх, не ўдакладніўшы дэталі гутаркі.

Пра сваю сустрэчу з Папам Рымскім Францішкам у Ватыкане 4 кастрычніка распавёў Генеральны вікарый Мінска-Магілёўскай архідыяцэзіі біскуп Аляксандр Яшэўскі. У гэтыя ён, як прадстаўнік Беларусі, удзельнічае ў сесіі Сіноду біскупаў.

У сваім Instagram беларускі іерарх апублікаваў фота гутаркі з Пантыфікам і распавёў, што «ніхто не перашкаджаў, не было іншых удзельнікаў у чарзе да Папы, таму мы размаўлялі даўжэй».

Якія-кольвек дэталі гутаркі біскуп не ўдакладніў, паведаміўшы толькі, што «з благаслаўленнем Пантыфіка для ўсёй Беларусі адышоў шчаслівым ад Святога Айца».

Вернікі спадзяюцца, што іерарх закрануў у гутарцы з Папам пытанні, якія хвалююць супольнасць – садзейнічанне вызваленню несправядліва зняволеных, у тым ліку святароў, вяртанне парафіі закрытага два гады Чырвонага касцёла ў Мінску.