Гарбузовы суп і Імша – як правільна адзначыць Хэлаўін

Многія святары напярэдадні заклікалі не ўдзельнічаць у Хэлаўіне, тлумачылі, чым гэта небяспечна і чаму свята супярэчыць хрысціянству. Гаворка ішла пра вечарынкі пад такой назвай, якія папулярызуюць злога духа і маюць паганскія карані.

Але адзін са святароў падышоў да гэтага пытання з іншага боку і запісаў пазітыўнае відэа (глядзіце ніжэй). Ён не палохаў, не забараняў, а наадварот — без занудства заклікаў святкаваць Хэлаўін, але рабіць гэта правільна.

Грэка-каталіцкі святар з Расіі Ілля Астапаў нагадаў, што ў хрысціянскай традыцыі — гэта вечар напярэдадні Дня ўсіх святых (Hallowe'en — скарачэнне ад All Hallow's Eve):

«Штогод існуе нязменная традыцыя абавязкова пацікавіцца, ці святкуюць католікі Хэлаўін? А пабожныя католікі павінны ўсюды напісаць: «Мы не святкуем Хэлаўін». І так з году ў год. Ды святкуем мы Хэлаўін, галоўнае — святкаваць яго правільна!»

Увечары — урачыстая святая Імша, а гарбуз — каб прыгатаваць смачны гарбузовы суп з сухарыкамі. Вось якім павінна быць святкаванне Хэлаўіна, падсумаваў святар.

Наш канал в Telegram – только интересное и важное. Подписаться >