Прэзідэнты Ізраіля і Палестыны будуць маліцца з Папам аб міры на Пяцідзесятніцу
- Written by katolik-gomel.by
- Published in Царква
- Add new comment
8 чэрвеня 2014 г. у Ватыкане адбудзецца малітва за мір, у якой прымуць удзел папа Францішак, Прэзідэнт Палестыны Махмуд Абас і Прэзідэнт Ізраіля Шымон Перэс.
Пантыфік запрасіў палітыкаў прыняць удзел у гэтай беспрэцэндэнтнай ініцыятыве падчас свайго нядаўняга візіту ў Святую Зямлю. “У гэтым месцы, дзе нарадзіўся Князь Міру, я хацеў бы прапанаваць Вам, спадар Прэзідэнт Махмуд Абас, разам са спадаром Прэзідэнтам Шымонам Перэсам, далучыцца да мяне ў сардэчнай малітве да Бога за дар міру. Я прапаную свой дом у Ватыкане як месца для гэтай малітоўнай сустрэчы”, - сказаў Папа на заканчэнне св. Імшы ў Бэтлееме 25 мая 2014 г.
Пантыфік адзначыў, што кожны, “асабліва тыя, хто знаходзіцца на службе сваіх народаў”, абавязаны быць інструментам і стваральнікам міру, асабліва праз малітву. “Будаваць мір цяжка, але жыць без міру – гэта пастаянная пакута”, - сказаў у Бэтлееме Святы Айцец.