На старадаўніх могілках у Гомелі юдэі і хрысціяне правядуць «суботнік»
- Written by katolik-gomel.by
- Published in Навіны - Гомель
- Add new comment
Вернікі заклікаюць усіх людзей добрай волі далучыцца да акцыі і так ачысціць «люстэрка сваёй культуры».
Гомельская юдэйская рэлігійная супольнасць «Бэйт Яакаў», Гомельская рыма-каталіцкая парафія Нараджэння Божай Маці і Гомельская епархія Беларускай праваслаўнай царквы правядуць добраўпарадкаванне закінутых Прудкоўскіх могілак у Гомелі. Гэта будзе ўжо другая падобная акцыя. (гл. ФОТА папярэдняй акцыі >>>)
На месцах пахаванняў у раёне «Прудок», у Навабеліцкім і іншых раёнах Гомеля ёсць магілы пахаваных каталікоў, праваслаўных і юдэяў. Многія старадаўнія магілы закінутыя, могілкі маюць патрэбу ў добраўпарадкаванні. Дзесяткі іудзейскіх і хрысціянскіх магіл разбураны вандаламі і часам.
- Могілкі - гэта люстэрка сучаснай культуры. Калі магілы людзей, якія некалі шмат зрабілі для культуры краіны, цяпер закінутыя, гэта не нармальна, - каментуе пробашч парафіі Нараджэння Божай Маці Славамір Ласкоўскі.
Цікава, што акцыя пройдзе 7 лістапада - у дзень Кастрычніцкай рэвалюцыі ў Расіі 1917 года, што з'яўляецца дзяржаўным святам і выхадным днём у Беларусі. Аднак «суботнік» зусім не прымеркаваны да гэтай даты - яе абралі таму, што ў суботу веравызнанне ня дазваляем працаваць юдэям, а ў нядзелю - хрысціянам. Пятніца ж - выхадны дзень - як раз усіх задаволіў.
Пачатак акцыі аб 11-й. Вернікі заклікаюць усіх людзей добрай волі далучыцца да добраўпарадкавання могілак і так дапамагчы не толькі свайму народу, гораду, але і сабе асабіста. Нагадаем, што зараз ідзе тыдзень малітваў за памерлых, падчас якога можна атрымаць індульгенцыю для сябе або любога нябожчыка пры ўмове наведвання могілак >>>
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Пад'ём у 3:30, маўчанне і ніякіх гаджэтаў. Адзіны ў свеце беларус камельдул наведаў родны горад