Каталікі святкуюць Раство: калі Хрыстос нараджаецца ў тваім сэрцы, ты становішся асаблівым чалавекам + ФОТА начной імшы
- Written by katolik-gomel.by
- Published in Навіны - Гомель
- Add new comment
Хрысціянін не падае разам з грашыма - дэвальвацыя вучыць спадзявацца не на грошы, а на Хрыста, адзначыў святар.
Апоўначы 25 снежня ў гомельскай рыма-каталіцкай царкве пачалася першая ўрачыстая Калядная імша, якую ўзначаліў пробашч парафіі айцец Славамір Ласкоўскі.
- Што значыць быць вернікам? Для гэтага не дастаткова быць проста ахрышчаным. Вернік - той, хто рэальна ў сваім жыцці бачыць дзеянні Бога, прымае святло, якім Гасподзь гатовы асвятліць цемру нашай гісторыі. Без Яго - поўная блытаніна, стан вайны ў сэрцы, - тлумачыць святар. - Цяпер усе перажываюць: рубель знізіўся, жыццё на 30% сышло ўніз, што будзе? Можа, яшчэ на 30% ўпадзе. І добра! Гэта супер-практыкаванне! Нарэшце мы будзем спадзявацца ў нашым жыцці не на грошы, а Ісуса Хрыста! Колькі разоў мы ўжо перажывалі такія падзенни? І ўсе жывыя! Шмат дзяцей, шмат у каго з'явіліся дамы і машыны. Мы бачым, што Бог вядзе гісторыю - Ён дае і Ён забірае, Ён - гаспадар усяго. Таму не падайце духам, не будзьце, як язычнікі. Хрысціянін не падае разам з грашыма. Таму што яго жыццё ўжо асвечана уваскрослым Езусам Хрыстом, ён паставіў сваё жыццё на камені - на Госпадзе, на праўдзе.
Айцец Славамір падкрэсліў, што калі Гасподзь ўваходзіць у гісторыю чалавека, ён становіцца зусім іншым:
- Святы Дух мяняе тваё сэрца, і ты адкідаеш свае ранейшыя нявернасць, пажаду, страшныя здрады, падман, гнеў, незадаволенасць. Ты, быццам бы, такі ж як і ўсе, але зусім іншы, асаблівы. Хрысціяне - усе асаблівыя. Асаблівы лекар, асаблівы дырэктар, асаблівы рабочы. Таму што ў тваім жыцці ёсць любоў, і ты з любоўю ставішся да іншых, дзейнічаеш не па нейкай ўказцы зверху, а паводле Евангелля. І ўжо не лічыш сябе мудрэйшым за Бога.
Пасля начной імшы прайшоў традыцыйны канцэрт і гульні з дзецьмі, а завяршылася святкаванне ў касцёле феерверкам. Калядная праграма працягнецца ў наступныя дні >>>
Media
Related items
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле