Святары наведваюць з «калядой» дамы каталікоў
- Written by katolik-gomel.by
- Published in Навіны - Гомель
- Comments (2)
Абрад асвячэння жылля і малітва праводзяцца для выгнання злога духу і Божага дабраславення для сям'і.
Традыцыйна ў пачатку года каталіцкія святары наведваюць сваіх парафіянаў з пастырскім візітам, падчас якога асвячаюць іх дамы і кватэры, моляцца за сям'ю. Падчас «каляды» гомельскі пробашч айцец Славамір Ласкоўскі і вікарый парафіі айцец Кшыштаф Запала наведалі ўжо дзесяткі сем'яў. Парафіян з Савецкага раёна наведвае біскуп Казімір Велікаселец, які аднаўляе там парафію Ўнебаўзяцця Найсвяцейшай Панны Марыі.
Дом трэба асвячаць як мінімум раз у год, кажуць святары. Па-першае, таму, што ў доме можа жыць злы дух, якога трэба выгнаць. А па-другое, каб прасіць Госпада аб дабраславенні гэтай сям'і, аб дапамозе Хрыста ў іх жыцці.
Абрад асвячэння жылля складаецца з невялікай малітвы святара разам з гаспадарамі дома і акрапленнем яго асвячонай вадой. Пасля чаго, традыцыйна, святара запрашаюць за стол, за вячэрай ён гутарыць пра духоўнае жыццё сям'і.
Запіс на асвячэнне жылля працягваецца, кожны можа запрасіць дадому святара.
Related items
- Тым, хто не можа на Радуніцу памянуць блізкіх у храме, прапануюць гэта зрабіць дыстанцыйна і бясплатна
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Не сказалі нават біскупу». Даведаліся, на які тэрмін асудзілі святароў у Віцебску
- «Сезон пілігрымак» адкрыла паломніцтва з Пінска ў Лагішын
Вот, кстати, дополнительная информация и видео:
Каляда — гэта перш за ўсё падзяка Богу за атрыманыя ласкі ў мінулым годзе і малітва аб апецы ў наступным, а таксама магчымасць асабістага знаёмства са святаром. У Каталіцкім Касцёле да душпастырскага візіту абавязвае кананічнае права, якое прадпісвае наведванне сем’яў для пашырэння веры і аказання неабходнай духоўнай дапамогі.
Для таго, каб дадзеная рэлігійная падзея прайшла належным чынам, неабходна стварыць для яе адпаведныя знешнія ўмовы: засцяліць стол белым абрусам, на якім будуць знаходзіцца крыж, свечка, асвячоная вада і крапідла.
Асаблівасцю душпастырскай сустрэчы з’яўляецца тое, што ў ёй павінна ўдзельнічаць уся сям’я (і толькі адна). Таму сям'я абавязана даведацца, у які дзень і а каторай гадзіне святар наведае дом, каб усе члены сям’і маглі загадзя падрыхтавацца да таго, каб у гэты час быць дома.
Важна запрасіць святара менавіта з той парафіі, да якой сям'я належыць тэрытарыяльна (выбраўшы на мапе адпаведную дыяцэзію, адшукай сваю парафію). Гэта будзе выхоўваць пачуццё адказнасці за сваю парафіяльную супольнасць, за яе будучыню.
Гаспадар павінен прывітаць святара і пазнаёміць яго з тымі членамі сям’і, якіх ён не ведае. Сустрэча працягваецца гутаркай, звязанай з духоўным жыццём сям’і. Пасля адбываецца супольная малітва і асвячэнне пакояў.
RSS-стужка каментароў гэтага запiсу