BEL
†Бог любіць цябе такім, які ты ёсць! †Хрыстос дабравольна пайшоў на крыж за твае правіны †Смерць пераможана! † Найбольш просты шлях да святасці - не асуджай! †Ісус шукае і чакае цябе! †Хрыстос уваскрос! †Д'ябал не можа зрабіць пекла прывабным, таму ён робіць прывабнай дарогу туды

Гадавіна катастрофы на ЧАЭС: рэпартаж з Хойніцкай парафіі і зоны адчужэння [фота]

У заражаным радыяцыяй горадзе жывуць каля ста каталікоў, але моладзі і дзяцей сярод іх практычна няма.

Да 27-гадавіны катастрофы на Чарнобыльскай АЭС мы распавядаем аб каталіках аднаго з самых "брудных" гарадоў Беларусі - Хойнікаў. Служыць тут мазырскі пробашч айцец Тадэвуш Волас.

У Хойніцкай парафіі Ўнебаўзяцця Найсвяцейшай Панны Марыі каля ста вернікаў, аднак тых, хто пастаянна наведвае храм - ад 20 да 30 чалавек. У асноўным, гэта людзі старэйшага ўзросту, але ёсць і моладзь. У Хойніках дзейнічае група Легіёна Марыі. Дзяцей у парафіі, на жаль, практычна няма. Апошняе хрышчэнне здзяйснялася ў Хойніках два гады таму, а вянчанне - тры гады таму.

- Новая евангелізацыя тут проста неабходная, - кажа айцец Тадэвуш. - Праблема ў тым, што ў Хойніках няма пастаяннага святара. Вядома, паўплывала на сітуацыю і радыяцыя: многім людзям давялося з'ехаць.

Дарэчы, каталікі былі ў Хойніках яшчэ з часоў Рэчы Паспалітай, а пасля прыходу савецкай улады на вернікаў пачаліся ганенні. Парафію атрымалася адрадзіць толькі ў канцы 90-х, будынак былой крамы перабудавалі ў храм, які знаходзіцца ў цэнтры горада, ён быў асвечаны ў 2003 годзе.

Літаральна за дзесятак кіламетраў ад Хойнікаў пачынаецца зона адчужэння, якую мы змаглі ўбачыць на свае вочы.

 

Last modified onНядзеля, 28 Красавік 2013 23:19
Каментары   
+2 #1 Павел 2013-04-26 00:08
Кстати, когда ехали по Хойникам, таксист положительно отзывался о местных католиках: сами приход поднимают, государство не помогает. И тяжело, говорит, католикам - у них нет расценок конкретных на венчания и крещения, поэтому у костела денег мало ))
Цытаваць | Паведаміць мадэратару
Дадаць каментарый

Ахоўны код
Абнавіць