Працягваецца запіс у пешыя пілігрымкі ў Будслаў
- Written by katolik-gomel.by
- Published in Навіны - Гомель
- Comments (1)
У дарогу запрашаюць Сямейная пілігрымка і Баранавічы [+ матывуючае ВІДЭА]
Пешае паломніцтва Пінскай дыяцэзіі «Баранавічы - Будслаў» у гэтым годзе пройдзе ў традыцыйным фармаце. За дзевяць дзён каля 300 кіламетраў пройдуць пешшу сотні чалавек, дабіраючыся з песнямі і малітвай да абраза Маці Божай Будслаўскай (гл. фота і відэа).
3-4 ліпеня ў гэтым мястэчку пройдзе штогадовая ўрачыстасць, якая збірае тысячы католікаў з усёй Беларусі. Традыцыйна моладзь, а таксама дарослыя, пенсіянеры, дзеці ў складзе прыкладна 20 пешых пілігрымак з розных рэгіёнаў краіны прыбываюць у Будслаў, праходзячы ў дзень да 30-40 кіламетраў. Для многіх незабыўныя пешыя пілігрымкі ў Будслаў становяцца сапраўдным адкрыццём, сустрэчай з Жывым Богам, пераломным момантам у жыцці.
У 2016 годзе пешая пілігрымка Баранавічы - Будслаў пачнецца 23 чэрвеня ля касцёла Маці Божай Фацімскай. Пачатак у 7.00. Св. Імшу ўзначаліць біскуп Пінскі Антоні Дзям'янка. Запісацца ў пілігрымку можна па тэлефонах: +375 29 523 51 53 а. Павел Ярашэвіч, +375 29 709 00 93 а. Павел Рудзьман, або ў групе ВК vk.com/club54073674
Таксама аб'яўлены запіс у аднадзённую сямейную пілігрымку ў Нацыянальны санктуарый Маці Божай Будслаўскай, якую арганізуе рух сужэнскай духоўнасці "Equipes Notre-Dame". Пілігрымка пачнецца 1 ліпеня ў в. Пузыры (прыкладна 15 км ад Будслава). Для дзяцей будзе арганізавана спецыяльная забаўляльная праграма на прыпынку, маці з маленькімі дзецьмі змогуць прыняць удзел у пілігрымцы ў ролі аніматараў на прыпынку або ў дапамозе на кухні. Арганізатары звяртаюць увагу на тое, што будзе пастаяннае транспартнае і медыцынскае суправаджэнне. Запісацца ў сямейнае паломніцтва можна да 25 чэрвеня на сайце www.end.of.by/helps/piligrim Тэлефоны для даведак: (8025) 926 25 86, (8029) 512 96 84 Аліна і Максім Угорыч.
Media
Related items
- Святары з Шуміліна застаюцца ў зняволенні, таксама арыштавана парафіянка
- Не Галівуд: беларускія святары запусцілі круты праект з асновай на рэальных фактах
- Прыехалі ў касцёл на трох машынах: на Віцебшчыне затрымалі двух святароў
- 9 траўня ў дзень Унебаўшэсця Пана католікі моляцца аб супакоі на зямлі
- Teresa & Maria: у фінал Еўрабачання выйшла Украіна з песняй з хрысціянскім кантэкстам
RSS-стужка каментароў гэтага запiсу