Гомельскі касцёл адзначыў парафіяльнае свята [фота]
- Written by katolik-gomel.by
- Published in Навіны - Гомель
- Add new comment
У праграме былі Імша, малітва, пікнік, гульні для дзяцей.
У суботу, 10 верасня, у гомельскай рыма-каталіцкай царкве Нараджэння Божай Маці адзначылі парафіяльнае свята. Нараджэнне Найсвяцейшай Панны Марыі католікі святкуюць 8 верасня, але ў Гомелі ўрачыстасць была перанесена на суботу дзеля ўдзелу большай колькасці святароў, вернікаў і гасцей.
Гомельскі касцёл названы ў гонар Нараджэння Божай Маці, таму штогод гэтае свята мясцовыя католікі адзначаюць асабліва ўрачыста.
Святочная Імша з удзелам многіх святароў і біскупа Казіміра Велікасельца адбылася ўранку, а пасля вячэрняй Літургіі гадзін у двары касцёла зладзілі «агапу» - так са старажытнасці называюць агульную трапезу хрысціян першых стагоддзяў. На пір пробашч запрасіў усіх вернікаў і гасцей, якіх прасіў прынесці да стала ўласныя стравы, салаты і прысмакі, а шашлыкі, каўбаскі на грылі, іншыя пачастункі і музыку арганізавала парафія. Многія прыходзілі разам з маленькімі дзецьмі - з імі гулялі скаўты.
Фота Аліны Ярмоленка і Кіры Палявой
Related items
- У Беларусі праходзяць святы Першай Камуніі – як гэта было ў сельскіх храмах
- Як у вёсках праходзяць Маёвыя набажэнствы, паказалі на Гродзеншчыне
- «Сезон пілігрымак» адкрыла паломніцтва з Пінска ў Лагішын
- «Зробім каталіцкае ТБ». Два моцныя YouTube-праекты запусцілі святары і манахіня
- Не Галівуд: беларускія святары запусцілі круты праект з асновай на рэальных фактах