Фота: у Гомелі праходзіць унікальная выстава «Святыя абліччы Езуса Хрыста і Маці Божай»
- Written by katolik-gomel.by
- Published in Навіны - Гомель
- Add new comment
За знешняй прастатой графічна-іканапіснага стылю, які атрымаў назву «народны наіў», хаваецца глыбінная народная філасофія.
У гомельскім палацы Румянцавых і Паскевічаў з 26 снежня праходзіць выстава «Святыя абліччы Езуса Хрыста і Маці Божай», прысвечаная Калядным святам. Іконы, кнігі, меднае ліццё з фондаў музея Гомельскага палацава-паркавага ансамбля і прыватных збораў сталі асноўнымі экспанатамі выставы.
Калекцыя іканапісу і культавых прадметаў пачала фармавацца ў музеі з першых дзён яго існавання. Першымі экспанатамі сталі прадметы з Дамавой царквы князёў Паскевічаў. Далейшыя паступленні ў фонды музея сведчаць аб разнастайнасці іканапісных традыцый, існуючых на тэрыторыі Гомельскай вобласці. Праваслаўную ікону, напісаную прафесійнымі іканапісцамі, адрознівае высокі ўзровень майстэрства. За знешняй прастатой графічна-іканапіснага стылю, які атрымаў назву «народны наіў», хаваецца глыбінная народная філасофія. Стараверскія іконы, створаныя на тэрыторыі Гомельскай вобласці, узыходзяць да старажытнарускіх традыцыяў, якія атрымалі развіццё ў творчасці таленавітых мясцовых майстроў XVII - пачатку XX стст.
На выставе прадстаўлены іконы, выкананыя ў розных іканапісных традыцыях, але аб'яднаныя адной тэмай, тэмай Ісуса Хрыста і Маці Божай, якая на працягу доўгіх стагоддзяў з'яўляецца цэнтральнай у хрысціянскім мастацтве.
Разам з дэманстрацыяй абразоў і культавых прадметаў наведвальнікам выставы ўпершыню будзе прадстаўлена магчымасць пазнаёміцца з працай музейных супрацоўнікаў па рэстаўрацыі і захаванню культавых прадметаў.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- Загадкі Каралевы Беларусі: уратавала ад маскоўскай акупацыі, знікла і зноў аб'явілася
- Адпраўка ў войска ў Беларусі адбываецца з удзелам святароў
- Загадкавую смерць манахіні расследуюць у Гомелі