У Гомелі адкрылася выстава макетаў каталіцкіх храмаў Беларусі [фота]
- Written by Katolik.life
- Published in Навіны - Гомель
- Add new comment
Паглядзець унікальную экспазіцыю студэнтаў БелДУТ можна бясплатна ў касцёле на вуліцы Савецкай.
У гомельскім рымска-каталіцкім храме Нараджэння Божай Маці ўпершыню адкрылася выстава макетаў касцёлаў Беларусі. Сярод творчых работ - мініяцюрныя копіі як цяпер існуючых храмаў, так і знішчаных падчас камуністычнага рэжыму. Прадстаўлены таксама графічныя малюнкі каталіцкіх святыняў. Аўтары унікальных работ - студэнты, магістранты і выкладчыкі кафедры «Архітэктура» Беларускага дзяржаўнага ўніверсітэта транспарту ў Гомелі.
Выстава ўжо прайшла ў БелДУТ, а зараз размешчана ў холе касцёла па адрасе вул. Савецкая, 118 (прыпынкі «Гасцініца «Турыст», «Універсітэт»). Паглядзець экспазіцыю можна бясплатна. Храм адкрыты з панядзелка па пятніцу з 7.30 да 9.00 і з 18.00 да 19.30, у суботу - з 7.30 да 9.00, у нядзелю - з 8.30 да 13.30 і з 16.30 да 18.00.
Дарэчы, раней студэнты БелДУТ праводзілі выставу макетаў праваслаўных храмаў Гомельшчыны, распавялі Katolik.life арганізатары.
Related items
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Не фэйкі і не хакеры: «Радыё Марыя» працягвае збор і тлумачыць непаразуменні
- У Ізраілі католікі з Беларусі спакойна перажылі атаку Ірана, але «вайна дастала»