Першы вулічны кінапаказ пры касцёле сабраў каля 70 гомельцаў [фота]
- Written by Katolik.life
- Published in Навіны - Гомель
- Add new comment
Наступны сеанс - у бліжэйшую пятніцу, а 21.00.
Адкрыццё сезону кінапаказаў пад адкрытым небам у гомельскай рымска-каталіцкай парафіі наведалі каля 70 чалавек. У асноўным, гэта моладзь, аднак прыйшлі паглядзець фільм і старэйшыя людзі, некаторыя сабраліся цэлымі сем'ямі. Першы кінасеанс у двары касцёла адбыўся 10 жніўня, распавёў Katolik.life пробашч парафіі кс. Юры Варанко.
Для кінапаказаў традыцыйна адбіраюць папулярныя, але сур'ёзныя фільмы, якую нясуць карысць для душы. У гэты раз глядзелі «Шлях» (The Way) Эміліо Эстэвеса.
- Ідэя кінапаказаў у тым, каб адцягнуць моладзь ад бесталковых справаў і даць магчымасць цікава, з карысцю правесці час, - кажа святар.
Забаўляльнага кіно не будзе ў касцёле і па той прычыне, што пятніца для католікаў і ўсіх хрысціянаў - дзень смутку, калі вернікі ўзгадваюць пакуты і смерць Езуса Хрыста, трымаюць пост, устрымліваюцца ад забаваў.
Перыядычнасць сустрэч пакуль вызначылі як штотыднёвую - пры добрым надвор'і. У наступную пятніцу, 17 жніўня, зноў чакаецца цёплы, без ападкаў вечар, таму кінасеанс павінен адбыцца. Рэкамендуем захапіць з сабой рэпеленты ад камароў - па вечарах іх цяпер асабліва шмат.
Нагадваем адрас храма: вул. Савецкая, 118, прыпынкі «Гатэль «Турыст» і «Універсітэт». Пачатак сеансу - 21.00.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле