11 дзяцей прынялі Першую Камунію ў гомельскім касцёле - ФОТА
- Written by katolik-gomel.by
- Published in Навіны - Гомель
- Add new comment
«Добры Пастыр дараваў вашыя грахі, сабраў каля алтара і дае Жыццё Вечнае разам са сваімі Целам і Крывёю».
11 траўня ў гомельскай рыма-каталіцкай парафіі Нараджэння Божай Маці адбылася знамянальная падзея - 11 дзяцей, з іх 4 дзяўчынкі і 7 хлопчыкаў, прынялі Першую Камунію. Гэта значыць, што Царква жыве: бацькі перадаюць веру дзецям, каб яны ў сваім жыцці ішлі за Хрыстом і далей неслі ў свет Евангелле.
Больш за паўгода з любоўю рыхтавалі дзяцей да гэтай адной з самых важных падзей у жыцці сёстры ордэна Маці Тэрэзы.
Звяртаючыся да дзяцей, пробашч парафіі айцец Славамір Ласкоўскі сказаў:
- Учора Добры Пастыр дараваў ўсе вашыя грахі, а ўжо сёння сабраў каля алтара. Вы ўпершыню атрымаеце Праўдзівыя Цела і Кроў Хрыста. А хто Іх прымае, у тым жыве сам Ісус, Ён дае вам Жыццё Вечнае.
Таксама святар звярнуўся да бацькоў:
- Калі вы прыносілі ў храм дзяцей для хросту, абяцалі выхоўваць іх у веры. Калі вы сапраўды будзеце гэта рабіць, вашыя дзеці будуць лепш за вас. Але менавіта бацькі, а не хто іншы, у адказе за іх выхаванне, за тое, каб адрываць дзяцей ад кампутараў і вучыць гуляць у футбол, знаходзіць сапраўдных сяброў.
Пасля святочнай Імшы дзеці атрымалі памяткі пра гэтую важную падзею ў іх маладым хрысціянскіх жыцці.
Related items
- У Беларусі праходзяць святы Першай Камуніі – як гэта было ў сельскіх храмах
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп