Гомельскія вернікі сабралі ахвяраванні для семінарыстаў
- Written by gomel.catholic.by
- Published in Навіны - Гомель
- Add new comment
Удзельнікамі нядзельных Набажэнстваў гомельскай рыма-каталіцкай парафіі сталі студэнты Вышэйшай пінскай духоўнай семінарыі.
Клерыкі Павел з Брэста і Юрый са Жлобіна, якія навучаюцца, адпаведна, на другім і пятым курсах семінарыі, прыбылі ў Гомель, каб сабраць ахвяраванні на патрэбы сваёй навучальнай установы.
Клерык Юрый распавёў гомельскім вернікам аб сваім пакліканні і сваёй жыццёвай гісторыі. Ён скончыў гістарычны факультэт, а потым убачыў, што Бог заклікае яго да святарства. Першая духоўная семінарыя - гэта сям'я, упэўнены будучы святар. Таму, каб знайсці сваё пакліканне, вельмі важна быць у сваёй хатняй царкве - у хрысціянскай сям'і. Там чалавек вучыцца адказнасці, ахвярнасці, служэнню бліжнім. Калі семінарыст прыходзіць з такой сям'і, яму лягчэй, жыццё святара становіцца больш зразумелым.
Клерык Юрый падкрэсліў, што пакліканне - гэта ласка Божая, якая прыходзіць у сэрца чалавека, і ён разумее, куды яго кліча Гасподзь - у семінарыю ці да стварэння ўласнай сям'і.
Нагадаем, у Беларусі не хапае каталіцкіх святароў, таму Царква пастаянна моліцца аб тым, каб беларускія хлопцы адклікаліся на новыя пакліканні Госпада.
Related items
- І ў горадзе, і ў вёсцы: фестываль арганнай музыкі пройдзе ў касцёлах Беларусі
- Такі падарунак – толькі ад байкераў. Мотасезон яны адкрылі ў касцёле
- Беларусы даказваюць у судах «польскія карані» – з дапамогай веры
- На «гучныя» службы ў касцёле паскардзіўся жыхар Смаргоні. Што яму адказалі?
- Флэшмоб This is Belarus сабраў 100 тысяч фота і відэа – таксама з Будслава