Парафіяльны фэст у Гомелі: Імша, малітва, шашлыкі, жывая музыка - ФОТА
- Written by katolik-gomel.by
- Published in Навіны - Гомель
- Comments (1)
Урачыстасць таксама была прысвечана 100-годдзю з дня нараджэння беларускага кардынала Казіміра Свёнтка.
У гомельскай рыма-каталіцкай царкве Нараджэння Божай Маці адзначылі парафіяльнае свята. Нараджэнне Найсвяцейшай Панны Марыі каталікі адзначаюць 8 верасня, але ў Гомелі ўрачыстасць была перанесена на суботу дзеля ўдзелу большай колькасці святароў, вернікаў і гасцей.
Святочную святую Імшу ўзначаліў біскуп Казімір Велікаселец, таксама на ўрачыстасць прыехаў Апостальскі візітатар для грэка-католікаў Беларусі архімандрыт Сяргей Гаек, святары дыяцэзіі. Сярод вернікаў былі госці з Вільні, Мінска ды іншых гарадоў.
На святкаванні дня Нараджэння Божай Маці, з якога пачалася гісторыя збаўлення чалавецтва, біскуп Казімір маліўся за ўсіх каталікоў Гомеля і тых, хто яшчэ не спазнаў Хрыста. Таксама ўрачыстасць была прысвечана 100-годдзю з дня нараджэння беларускага кардынала Казіміра Свёнтка.
Пасля Імшы і хроснага ходу, увечары, свята працягнулася парафіяльнай агапай, на якой таксама гучала малітва, а потым - жывая музыка.
Related items
- Напярэдадні Вялікадня праваслаўны архіепіскап наведаў каталіцкі цэнтр у Гомелі
- Фэст у лясной капліцы з незвычайнай гісторыяй святкавалі капуцыны і пілігрымы
- Глядзець, чытаць, удзельнічаць: праваслаўная Велікодная служба па-беларуску з анлайн-трансляцыяй пройдзе ў Вільні
- «Бог даў нам адсутнасць паветранай трывогі». Пра Дзень дзіцяці ў Жытоміры распавёў біскуп
- Такі падарунак – толькі ад байкераў. Мотасезон яны адкрылі ў касцёле
RSS-стужка каментароў гэтага запiсу