Беларусы змогуць паехаць у Ізраіль без віз ужо на Каляды

Верасень 15, 2014
Written by katolik-gomel.by
Published in Соцыум
Comments (1)

Беларусы змогуць знаходзіцца ў Ізраілі без віз тэрмінам да 180 дзён у год, роўна як і грамадзяне Ізраіля ў Беларусі.

Ужо ў канцы снежня 2014 года Беларусь і Ізраіль увядуць доўгачаканы бязвізавы рэжым. Па словах ізраільскага амбасадара ў Беларусі Іосіфа Шагала, на Раство Хрыстова (якое большасць хрысціянаў свету святкуюць 25 снежня - рэд.) беларусы ўжо дакладна змогуць паехаць на Зямлю Абетаваную без віз.

Падпісанне дакумента чакаецца 19 верасня. Бязвізавы рэжым паміж Беларуссю і Ізраілем уступіць у сілу праз 90 дзён з дня падпісання пагаднення. Пасля чаго беларусы змогуць знаходзіцца ў Ізраілі без віз тэрмінам да 180 дзён у год, роўна як і грамадзяне Ізраіля ў Беларусі.

Дарэчы, новаўвядзенні закрануць толькі ўладальнікаў грамадзянскіх пашпартоў, але не службовых і дыпламатычных.

Паводле ізраільскай амбасады, у 2013 годзе візы ў гэтую краіну атрымалі 13 тысяч беларусаў.

Чытайце па тэме: РАСТВО - АБУДЗІЦЬ СЭРЦЫ ДА СУСТРЭЧЫ З ЕЗУСАМ

Last modified onПанядзелак, 15 Верасень 2014 18:09

Tagged under