Ці гэта грэх - працаваць у пірацкай Windows?
- Written by Katolik.life
- Published in Размовы са святаром
- Add new comment
Што рабіць, калі для набыцця ліцэнзійных праграм не хапае грошаў?
У рубрыцы «Сто адно пытанне да святара» на каталіцкім «Радыё Марыя» ў Беларусі спыталіся:
«Вядома, што крадеж - гэта грэх. Але як быць з праграмамі ў кампутары? Іх кошты проста не разлічаны на людзей-беларусоў. Не кожны зарабляе столькі, каб дазволіць паставіць сабе ліцэнзаваную версію праграмаў, якія патрэбныя для працы. Як быць і што рабіць? Адмовіцца ад кампутара?»
Адказвае дырэктар радыё кс. Аляксандр Фаміных:
- Выкарыстанне неліцэнзійных праграм - гэта злачынства, крадзеж. Вельмі часта людзі не думаюць пра гэта. Але ёсць такі панятак як інтэлектуальная ўласнасць. Цяпер можна купіць кампутар ужо з усталяваным Windows у растэрміноўку, і гэта не так ужо дорага каштуе для працоўнага чалавека.
Калі я быў дыяканам, часта набываў дыскі з хрысціянскімі казаннямі, фільмамі, і ніколі не набываў неліцэнзійныя. Таксама доўгі час на кампутары не было ў мяне офіса, толькі запампаваў з інтэрнэта бясплатную праграму.
Раіўся з адным чалавекам, які займаецца аховай інтэлектуальнай уласнасці, ён сказаў, што не такія ўжо дарагія гэтыя праграмы цяпер.
Ад сябе дададзім, што рэдактар Katolik.life ужо шмат гадоў працуе на Linux - бясплатнай аперацыйнай сістэме. Адпаведна і ўсе праграмы, якія выкарыстоўваем, у тым ліку офіс, графічны рэдактар - бясплатныя і не патрабуюць ліцэнзіі.
Media
Related items
- З 7 дзецьмі пасля 25 сутак вядомы прапаведнік пакінуў Беларусь
- «У парафіі 15-20 асоб». Мітрапаліт абвясціў акцыю па падтрымцы Касцёла на Магілёўшчыне
- Без цуду, але з падтрымкай: як «Радыё Марыя» выходзіць з цяжкай сітуацыі
- На ўзроўні цуда. «Радыё Марыя ў Беларусі» можа пазбавіцца памяшкання і просіць дапамогі
- Каталіцкі прытулак для бяздомных у Піцеры прыпыняе дзейнасць