Папа адкрыў у Ватыкане Святыя Дзверы і Год Міласэрнасці

Снежань 8, 2015
Written by katolik-gomel.by
Published in Папа Рымскі
Add new comment

Другім за Францішкам праз Святыя Дзверы прайшоў Бэнэдыкт XVI.

Папа 8 снежня 2015 г. адчыніў Святы Дзверы ў базыліцы св. Пятра, распачынаючы Год Міласэрнасці ў Каталіцкім Касцёле. Ён будзе доўжыцца да 20 лістапада 2016 г. У гэты час у Рыме чакаецца прыбыццё мільёнаў пілігрымаў з усяго свету. Сёння таксама адзначацца 50-годдзе завяршэння Другога Ватыканскага Сабору. Таму падчас абраду чыталіся фрагменты чатырох саборных канстытуцый.

Францішак спрасціў цырымонію і адмовіўся ад традыцыйнага сімвалічнага трохразовага ўдару малатком і размуравання сцяны, якая знутры базылікі закрывае Дзверы. Яна ўзносіцца заўсёды на перыяд паміж юбілеямі. Пантыфік абмежаваўся толькі адкрыццём Брамы Міласэрнасці.

Другім за Францішкам праз Святыя Дзверы прайшоў Бэнэдыкт XVI.

Цяперашнія Святыя Дзяверы ватыканская базыліка атрымала ў дар ад швейцарскіх католікаў, як выраз падзякі Богу за тое, што выратаваў іх краіну ад зверстваў і катастроф Другой сусветнай вайны. Яны былі ўсталяваны да Юбілею 1950 года.

be.radiovaticana.va

Tagged under